Germanııa Reseıdiń "Úlken segizdik" (G8) klýbyna oralýyna qarsy shyqty.
Bul týraly Centralasian.org Germanııanyń syrtqy ister mınıstri Haıko Maasqa silteme jasap habarlady. Onyń aıtýynsha, halyqaralyq klýbqa oralý úshin Máskeý Qyrymdy anneksııalaý máselesin rettep, Ýkraınanyń shyǵysyndaǵy ahýaldy sheshýǵa kómektesýi kerek. Maas 2014 jyly Reseıdi bul klýbtan osy máselelerge baılanysty shettetkenin, qazir onyń otyrystary G7 formatymen ótip júrgenin eske saldy.
Germanııa syrtqy ister mınıstri Ýkraınadaǵy, Sırııa men Lıvııadaǵy janjaldardy sheshý úshin Reseı basqa da elderge kerek ekenin aıtty. Biraq, Maastyń pikirinshe, mundaı máselelerdi sheshýge "Úlken jıyrmalyq" formaty kóbirek kómektesedi.
Bunyń aldynda AQSh prezıdenti Donald Tramp Reseı prezıdenti Vladımır Pýtındi sammıtke shaqyrǵan durys dep málimdegen. Degenmen Tramptyń usynysyn klýbtyń basqa da músheleri qoldamady.
Reseı prezıdenti Vladımır Pýtın "Úlken segizdikke" oralýǵa qarsy emes ekenin aıtqan.
Halyqaralyq G7 klýbyna Ulybrıtanııa, Germanııa, Kanada, Franııa, AQSh jáne Japonııa kiredi. Reseı bul uıymǵa 1997 jyly qosylǵan, biraq 2014 jyly klýbtan shyǵarylǵan.
"Adyrna" ulttyq portaly
