بۇگىن شىمكەنتتە قالا اكىمى م.ايتەنوۆتىڭ تاپسىرماسىنا سايكەس، جالپىقالالىق اۋقىمدى دەزينفەكتسيالاۋ جۇمىستارى جۇرگىزىلۋدە.
دەزينفەكتسيالاۋ جۇمىستارىنا بارلىعى 94 ارنايى تەحنيكا جۇمىلدىرىلىپ، 170 («شىمكەنت جاسىل قالا» -50, اسكەري قىزمەتشىلەر - 40, سەرۆيستىك مەكەمەلەر - 80) سۋ بۇرىككىش جابدىق، 5 توننا حلور ەرىتىندىسى، 600 ليتر سىركە قىشقىلى ازىرلەنىپ، پايدالانىلۋدا.
شىمكەنت قالاسى توتەنشە جاعدايلار دەپارتامەنتى تاراپىنان 27 دانا تەحنيكا جۇمىلدىرىلدى. ونىڭ ىشىندە، اباي اۋدانىندا 7 تەحنيكا، ءال-فارابي اۋدانىندا 6 تەحنيكا، ەڭبەكشى اۋدانىندا 7 تەحنيكا، قاراتاۋ اۋدانىندا 7 تەحنيكا دەزينفەكتسيا جۇمىسىن اتقارىپ جاتىر.
سونىمەن قاتار، ورتالىق كوشەلەردى ارنايى مانداندىرىلعان مەكەمەلەر تەحنيكالارمەن، ال دەمالىس ورىندارى، كوپقاباتتى تۇرعىن ۇيلەردىڭ اۋلاسى، ويىن الاڭشالارى، ىشكىورامدىق كوشەلەردى اسكەري قىزمەتشىلەر مەن سەرۆيستىك مەكەمە جۇمىسشىلارى سۋ بۇرىككىش جابدىقتارمەن زالالسىزداندىرۋدا.
دەزينفەكتسيالىق جۇمىسقا 2 000-نان استام كوشە، 1147 ايالداما، 45 كوپشىلىك دەمالىس ورىندارى (ساياباق، گۇلزارلار) جانە 2171 كوپ قاباتتى ءۇي اۋلالارى قامتىلادى. قالا اۋماعىنداعى بارلىق كاسىپكەرلىك نىسانداردى دەزينفەكتسيالاۋ نىسان يەلەرىمەن كەلىسىم نەگىزىندە اتقارىلادى.
سەنبىلىككە اۋدان اكىمدەرى دە قاتىسىپ، جۇمىستىڭ باسى-قاسىندا ءجۇر.
ابزال الىقۇلوۆ، قاراتاۋ اۋدانىنىڭ اكىمى:
بىزگە 15 تەحنيكا ءبولىندى. ۇلكەن كوشەلەرگە ارنايى تەحنيكالار، اۋلالارعا، بالالار الاڭىنا، پودەزدەرگە (كىرەبەرىس) اسكەري كۇشتەردەن 20 ادام جۇمىلدىرىپ، دەزينفەكتسيا جۇمىستارىن جۇرگىزىپ جاتىرمىز. بۇل جۇمىسقا كوپ قاباتتى ۇيلەردەگى ورنالاسقان كسك قىزمەتكەرلەرىمەن كەلىسىم جۇرگىزىپ، ولار وزدەرىنە ءتيىستى جەرلەرگە دەزينفەكتسيا جاساپ جاتىر.
شىمكەنت
