قازاقستاننىڭ ءۇش وڭىرىندە ءوز قول استىنداعىلارىنىڭ سىبايلاس جەمقورلىق قىلمىس جاساعاندارى ءۇشىن ءۇش مەملەكەتتىك قىزمەتكەر وتستاۆكاعا ءوتىنىش بەردى دەپ مالىمدەدى قازاقستان رەسپۋبليكاسىنىڭ سىبايلاس جەمقورلىققا قارسى اگەنتتىگى پاراساتتىلىق دەپارتامەنتىنىڭ ديرەكتورى عانيجان اسانۇلى. بۇل تۋرالى ادىرنا ۇلتتىق پورتالى Zakon.kz – كە سىلتەمە جاساي وتىرىپ حابارلايدى.
باعىنىشتىلارىنىڭ سىبايلاس جەمقورلىقتارىنان بولىپ باسشىلاردىڭ وتستاۆكاعا كەتۋى جانە تارتىپتىك جاۋاپكەرشىلىكتەرى تۋرالى وتكەن جىلدىڭ سوڭىندا قابىلدانعان زاڭنامالىق نورمانىڭ ورىندالۋىنا اگەنتتىك مونيتورينگتى جالعاستىرۋدا. بۇگىندە باعىنىشتىلارىنىڭ سىبايلاس جەمقورلىق قۇقىق بۇزۋشىلىقتارىنان بولىپ وتستاۆكاعا كەتۋ تۋرالى ءۇش ساياسي مەملەكەتتىك قىزمەتشى ءوتىنىش جازدى، — دەپ حابارلادى اگەنتتىك وكىلى.
جامبىل وبلىسى شۋ اۋدانىنىڭ اكىمى – وعان باعىنىشتى اۋىل اكىمىنىڭ سىبايلاس جەمقورلىققا كىنالى دەپ تانۋ تۋرالى ۇكىم شىققاننان كەيىن وتستاۆكاعا كەتتى. وز ەركىمەن قىزمەتىنەن بوساتىلدى.
باتىس قازاقستان وبلىسى شىڭعىرلاۋ اۋدانىنىڭ اكىمى، وعان باعىنىشتى-اۋداندىق ءبىلىم بەرۋ ءبولىمىنىڭ باسشىسى 2019 جىلدىڭ 10 جەلتوقسانىنا دەيىن سىبايلاس جەمقورلىق قىلمىس جاساعانىنا قاراماستان وتستاۆكاعا كەتتى. ونىڭ قاراماعىنداعى ادام 367-بابىنىڭ 2-بولىگى جانە 190-بابىنىڭ 2-تارماعى بويىنشا كىنالى دەپ تانىلىپ، مەملەكەتتىك قىزمەتتە قىزمەت اتقارۋ قۇقىعىنان ءومىر بويى ايىرىلىپ، ءۇش جارىم جىلعا سوتتالدى.
قاراعاندى وبلىسى ساتباەۆ قالاسىنىڭ اكىمى قالالىق تكش، جولاۋشىلار كولىگى جانە اۆتوموبيل جولدارى ءبولىمىنىڭ باسشىسىنىڭ سىبايلاس جەمقورلىعى ءۇشىن وتستاۆكاعا كەتۋگە ءوتىنىش بىلدىرگەن. ونىڭ ءوتىنىشى قابىلدانعان جوق، وعان سوگىس جاريالاندى.
بۇعان قوسا قوستاناي وبلىسى رۋدنىي قالاسى اپپاراتىنىڭ باسشىسى قاشار كەنتىنىڭ اكىمىنە قاتىستى سىبايلاس جەمقورلىق قۇقىق بۇزۋشىلىقتى تەرگەۋگە بايلانىستى ءوز ەركىمەن جۇمىستان كەتۋ تۋرالى ءوتىنىش جازدى. «بۇل مەن ءۇشىن وڭاي شەشىم ەمەس دەدى ول. بۇل لاۋازىمدى اتقارۋعا مورالدىق قۇقىم جوق. مەن رۋدنىي قالاسى اكىمى اپپاراتىنىڭ باسشىسىمىن عوي، ونىڭ ۇستىنە ادەپ جونىندەگى ۋاكىلمىن»، دەدى.
سوتقا دەيىنگى تەرگەۋ جانە سوت تالقىلاۋى كەزەڭىندە بىرقاتار مەملەكەتتىك قىزمەتشىلەرگە قاتىستى قىلمىستىق ىستەر بار. ولار قىلمىستىق جاۋاپكەرشىلىككە تارتىلعان جاعدايدا ساياسي مەملەكەتتىك قىزمەتتەردە جۇرگەن 16 باسشى وتستاۆكاعا جىبەرىلۋى ءتيىس، — دەپ قورتىندىلادى عاني اسانۇلى.
"ادىرنا" ۇلتتىق پورتالى
