Qazaqstannyń úsh óńirinde óz qol astyndaǵylarynyń sybaılas jemqorlyq qylmys jasaǵandary úshin úsh memlekettik qyzmetker otstavkaǵa ótinish berdi dep málimdedi Qazaqstan Respýblıkasynyń Sybaılas jemqorlyqqa qarsy agenttigi Parasattylyq departamentiniń dırektory Ǵanıjan Asanuly. Bul týraly Adyrna ulttyq portaly Zakon.kz – ke silteme jasaı otyryp habarlaıdy.
Baǵynyshtylarynyń sybaılas jemqorlyqtarynan bolyp basshylardyń otstavkaǵa ketýi jáne tártiptik jaýapkershilikteri týraly ótken jyldyń sońynda qabyldanǵan zańnamalyq normanyń oryndalýyna Agenttik monıtorıngti jalǵastyrýda. Búginde baǵynyshtylarynyń sybaılas jemqorlyq quqyq buzýshylyqtarynan bolyp otstavkaǵa ketý týraly úsh saıası memlekettik qyzmetshi ótinish jazdy, — dep habarlady Agenttik ókili.
Jambyl oblysy Shý aýdanynyń ákimi – oǵan baǵynyshty aýyl ákiminiń sybaılas jemqorlyqqa kináli dep taný týraly úkim shyqqannan keıin otstavkaǵa ketti. Óz erkimen qyzmetinen bosatyldy.
Batys qazaqstan oblysy Shyńǵyrlaý aýdanynyń ákimi, oǵan baǵynyshty-aýdandyq bilim berý bóliminiń basshysy 2019 jyldyń 10 jeltoqsanyna deıin sybaılas jemqorlyq qylmys jasaǵanyna qaramastan otstavkaǵa ketti. Onyń qaramaǵyndaǵy adam 367-babynyń 2-bóligi jáne 190-babynyń 2-tarmaǵy boıynsha kináli dep tanylyp, memlekettik qyzmette qyzmet atqarý quqyǵynan ómir boıy aıyrylyp, úsh jarym jylǵa sottaldy.
Qaraǵandy oblysy Sátbaev qalasynyń ákimi qalalyq TKSh, jolaýshylar kóligi jáne avtomobıl joldary bóliminiń basshysynyń sybaılas jemqorlyǵy úshin otstavkaǵa ketýge ótinish bildirgen. Onyń ótinishi qabyldanǵan joq, oǵan sógis jarııalandy.
Buǵan qosa Qostanaı oblysy Rýdnyı qalasy apparatynyń basshysy Qashar kentiniń ákimine qatysty sybaılas jemqorlyq quqyq buzýshylyqty tergeýge baılanysty óz erkimen jumystan ketý týraly ótinish jazdy. «Bul men úshin ońaı sheshim emes dedi ol. Bul laýazymdy atqarýǵa moraldyq quqym joq. Men Rýdnyı qalasy ákimi apparatynyń basshysymyn ǵoı, onyń ústine ádep jónindegi ýákilmin», dedi.
Sotqa deıingi tergeý jáne sot talqylaýy kezeńinde birqatar memlekettik qyzmetshilerge qatysty qylmystyq ister bar. Olar qylmystyq jaýapkershilikke tartylǵan jaǵdaıda saıası memlekettik qyzmetterde júrgen 16 basshy otstavkaǵa jiberilýi tıis, — dep qortyndylady Ǵanı Asanuly.
"Adyrna" ulttyq portaly
