كەشە، 23-ءشى شىلدە كۇنى تۇندە ساتباەۆ قالاسىندا 5 جاستاعى قىز بالا جوعالىپ كەتىپ، كەيىننەن بوتەن پاتەردەن تابىلعان. ەندى جەرگىلىكتى تۇرعىندار ۇستالعان كۇدىكتىنى وزدەرىنە بەرۋدى تالاپ ەتۋدە دەپ حابارلايدى adyrna.kz پورتالى Polisia.kz-كە سىلتەمە جاساپ.
23 شىلدەدە 21.00-دە جەزقازعان قالاسىنىڭ تۇرعىنى ساتپاەۆ ق.پب جۇگىندى، ول ءوزىنىڭ 5 جاسار قىزىنىڭ جوعالىپ كەتكەنىن حابارلاعان. ساتباەۆ قالاسىنىڭ پوليتسيا ءبولىمىنىڭ جەكە قۇرامى مەن ەرىكتىلەر قاتىسقان ىزدەستىرۋ شارالارىنىڭ ناتيجەسىندە بالا كوپقاباتتى ءۇيدىڭ پاتەرلەرىنىڭ بىرىنەن تابىلدى.
بالا قازىر اۋرۋحانادا قارالۋدا. كۇدىكتى قاماۋعا الىندى.
الايدا بىرنەشە ونداعان ادام كۇدىكتىنى وزدەرىنە تاپسىرۋدى تالاپ ەتۋدە. تارتىپسىزدىككە جول بەرمەۋ ءۇشىن قۇقىق قورعاۋ كۇشتەرى جۇمىلدىرىلدى. قاراعاندى وبلىسىنىڭ پوليتسيا باسقارماسى قوعامدىق ءتارتىپتى جانە قالا تۇرعىندارىنىڭ قاۋىپسىزدىگىن قامتاماسىز ەتۋ ءۇشىن بارلىق قاجەتتى شارالاردى قولدانادى.
