العاش رەت اقتوبەدە اشىق بالالار ۆوكالدىق فەستيۆال-كونكۋرسى وتەدى.
اقتوبە وبلىسىندا 2018 جىل ءسابي جىلى دەپ جاريالانىپ، وسىعان وراي وبلىس اكىمدىگى بىرقاتار ارنايى ءىس-شارالاردى قامتيتىن جانە ءوسىپ كەلە جاتقان ۇرپاقتى شىعارماشىلىق دامىتۋ ءۇشىن قاجەتتى جاعدايلار جاساۋعا ارنالعان «باقىتتى بالا» جوباسىن ازىرلەدى.«رۋحاني جاڭعىرۋ»، «تۋعان جەرگە تاعزىم» مەملەكەتتىك باعدارلامالارى شەڭبەرىندە ىسكە اسىرىلىپ وتىرعان جوبا اقتوبە قالاسىندا 2018 جىلعى 1-2 ماۋسىمعا بەلگىلەنىپ وتىرعان «باقىتتى بالا-2018» اشىق بالالار ۆوكالدىق فەستيۆالىمەن باستالادى.
«باقىتتى بالا-2018» ەسترادالىق اندەر كونكۋرسىنا 10 جاستان 15 جاسقا دەيىنگى جاس مۋزىكالىق دارىندى بالالار قاتىسادى. كونكۋرستىڭ ۇمىتكەرلەرىنە انا تىلىندە كەز كەلگەن ءاندى (ونىڭ ىشىندە ءوزى جازىپ شىعارعان)دەربەس ورىنداۋ قاجەت جانە الەمدىك حيت تۋىندىلاردى دا تاڭداسا بولادى. بالالار شىعارماشىلىعىنىڭ اۋقىمدى جوباسى – بالالار ەسترادالىق ءانىنىڭ فينالدىق كونكۋرسىنا قاشىقتىقتان ىرىكتەۋ تۋرى بىرنەشە كەزەڭدەر بويىنشا وتەدى.
فەستيۆال-كونكۋرسقا وتىنىشتەردى قابىلداۋ 2018 جىلعى 15 مامىرعا دەيىن ءوتتى. وعان 420 ءوتىنىش بەرىلىپ، سولاردىڭ ىشىندە قاشىقتىقتان ىرىكتەۋ تۋرىنان 20 جەتكىنشەك تاڭدالدى. بىرنەشە جەڭىمپاز شاقىرىلعان ەسترادا جانە سپورت جۇلدىزدارىنىڭ قاتىسۋىمەن 2 ماۋسىم كۇنى سالتاناتتى ماراپاتتاۋ ءراسىمى كەزىندە جاريالاناتىن بولادى.
ءىس-شاراعا دۇنيەجۇزىنە ايگىلى ءانشى ديماش قۇدايبەرگەن (قازاقستان),«گولوس. دiتي-2017»ۋكراينالىق ۆوكالدىق كونكۋرستىڭ جەڭىمپازى دانەلياتولەشوۆا (قازاقستان), «سلاۆيان بازارى-2017» كونكۋرسىنىڭ جەڭىمپازدارى لۋيزا نۋركۋاتوۆا مەن ۆلاد سىتنيك (ۋكراينا), ارميان انشىسىدجورداناراكەليان (ارمەنيا) جانە اۋە گيمناستى اناستاسيا ديدۋح (ۋكراينا) قاتىسادى.
فينالعا قاتىسۋشىلار باس جۇلدەگە تاعايىندالعان 2 000 000 تەڭگە ءۇشىن سايىسقا تۇسەتىندىگىن اتاپ كورسەتەمىز.نەگىزگى جەڭىمپازدان باسقا، ءبىرىنشى ورىننىڭ يەگەرى 1 500 000 تەڭگە مولشەرىندە، ەكىنشى مەن ءۇشىنشى ورىنداردىڭ ەكى يەگەرى 750 000 تەڭگە جانە تيىسىنشە 500 000 تەڭگە كولەمىندە اقشالاي جۇلدەلەرمەن ماراپاتتالادى. سونداي-اق فەستيۆالعا قاتىسۋشىلاردىڭ بىرەۋى بۇكىل الەمگە ايگىلى ءانشى، «سلاۆيان بازارى-2015»، «Singer-2017» حالىقارالىق كونكۋرستارىنىڭ جەڭىمپازى، «MTVMusicAwards» سىيلىعىنىڭ يەگەرىديماش قۇدايبەرگەننىڭ اتاۋلى جۇلدەسىن يەلەنەتىن بولادى.
بۇعان قوسا، كونكۋرس قازىلار القاسىنىڭ قۇرامىنا مادەنيەت پەن ونەردىڭ تانىمال حالىقارالىق قايراتكەرلەرى كىرگەنىن اتاپ وتەمىز. ولاردىڭ قاتارىندا تۇركيانىڭ ءانشىسى جانە ۆوكال وقىتۋشىسى، ۆوكالدىق ورىنداۋشىلار شولۋلارىنىڭ اۆتورى، بەينەبلوگەرەمرەيۋسەلەن، قازاقستاننىڭ ەڭبەك سىڭىرگەن قايراتكەرى،اقتوبە وبلىستىق فيلارمونياسىنىڭ ءسوليستى، ا.جۇبانوۆ اتىنداعى اقتوبە مۋزىكالىق كوللەدجىنىڭ وقىتۋشىسىمارات ءايتىموۆ، ءارتىس، ۋكراينانىڭ التىن داۋسى سانالاتىن، ۆيتەبسكىدەگى «سلاۆيان بازارى-2017» بايقاۋىنىڭ جەڭىمپازى، 2017 جىلى الەمنىڭ 30 ۇزدىك داۋىسىنا كىرگەن ۆلاد سىتنيك، قازاقستاننىڭ ەسترادالىق ءانشىسى، ەڭبەك سىڭىرگەن قايراتكەرى. ماسكەۋ قالاسىنداعى «ۆيۆات، ۆيكتوريا» حالىقارالىق كونكۋرسىنىڭ باس جۇلدەگەرىجەڭىس ىسقاقوۆا، وزبەكستاننىڭ ەڭبەك سىڭىرگەن ارتىسىنوديراپەرماتوۆا جانە اقتوبە قالاسى اكىمىنىڭ ورىنباسارىكۇلپارشىن ايدارحانوۆا بار.
اقتوبە قالاسىنىڭ اكىمدىگى مەن «QAZAQSTAN» ۇلتتىق ارناسىنىڭ قولداۋىمەن «ديماشالي» شىعارماشىلىق ورتالىعى وسى فەستيۆالدىڭ ۇيىمداستىرۋشىلارى بولىپ تابىلادى.كونكۋرستىڭ رەسمي سايتى: http://baqyttybala.kz/
________________________________________________________________________________________________________________________
"ادىرنا" ۇلتتى پورتالى
