شىمكەنت قالاسىندا قۇرىلىس ماتەريالدارىن شىعاراتىن 215 ءىرى، ورتا جانە شاعىن كاسىپورىندار بار. وسى جىلدىڭ 6 ايىندا ولارمەن 34,2 ملرد. تەڭگەنىڭ قۇرىلىس ماتەريالدارى ءوندىرىلدى. بۇل وتكەن جىلدىڭ سايكەس كەزەڭىمەن سالىستىرعاندا ناقتى كولەم يندەكسى 4,5 پايىزعا ارتقان.
قالانىڭ جالپى ونەركاسىبىندە وندىرىلگەن ءونىم كولەمىندەگى قۇرىلىس ماتەريالدارى ءوندىرىسىنىڭ ۇلەسى 13,2%-دى قۇرادى.
ال قۇرىلىس ماتەريالدارىنىڭ وتاندىق ءوندىرىسىن دامىتۋ ماقساتىندا قالادا 2020-2021 جىلدار ارالىعىندا 9 ينۆەستيتسيالىق جوبا جۇزەگە اسىرىلۋدا. جوبالاردىڭ قۇنى 2,9 ملرد.تەڭگەنى قۇراپ وتىر.
اتاپ ايتقاندا، كەلەر جىلى ءۇش تەمىربەتون ءوندىرىسى مەن شىنىپلاستيكتەر، گازوبلوك، اسفالتبەتون، جولاياق تاقتالارىنىڭ ءوندىرىسى جانە پوليپروپيلەن، پوليۆينيلحلوريد، تەرموەلاستوپلاست بۇيىمدارىنىڭ ءوندىرىسى، ارلەۋ ماتەريالدارى مەن قۇرعاق قۇرىلىس قوسپالارى سىندى جوبالار ىسكە قوسىلادى.
ايتا كەتەيڭك، قازىرگى شىمكەنت قالاسىندا جۇرگىزىلىپ جاتقان قۇرىلىستاعى وتاندىق ءونىمنىڭ ۇلەسى 98 پايىزعا جەتكەن.
شىمكەنت
