اقمولا وبلىسى ەرەيمەنتاۋ اۋدانىنىڭ اكىمى مەن ءموبيلدى باقىلاۋ توبى ادامداردىڭ دەمالىس كۇندەرى كوپ شوعىرلاناتىن «كوبەيتۇز»، «تەڭىز» كولدەرىنە رەيد وتكىزدى. اۋدان اكىمى اباي ەلامانۇلى كولدە دەمالۋشىلار اراسىندا اۋداندا كوروناۆيرۋس اۋرۋىنىڭ كەڭ تارالۋىنا بايلانىستى قاۋىپسىزدىك شارالارى تۋرالى تۇسىنىكتەمە جۇرگىزدى، دەپ حابارلايدى ادىرنا ۇلتتىق پورتالى اۋدان اكىمدىگىنىڭ Facebook پاراقشاسىناسىلتەمە جاساي وتىرىپ حابارلايدى.
13.07.2020 جىلعى ەرەيمەنتاۋ اۋدانى اكىمى ا.ە. الجانوۆ وتكىزگەن جەدە شتاب وتىرىسىنىڭ حاتتاماسىنان: ەرەيمەنتاۋ اۋدانىنىڭ تۇرعىندارى اراسىندا COVID – 19 اۋرۋىنىڭ وسۋىنە بايلانىستى جانە اقمولا وبلىسى بويىنشا باس مەملەكەتتىك سانيتارلىق دارىگەردىڭ 04.07.2020 جىلعى №86 بۇيرىعىنا سايكەس «اۋماقتا كوروناۆيرۋستىق ينفەكتسيانىڭ الدىن الۋ بويىنشا كارانتيندىك شارالاردى كۇشەيتۋ تۋرالى»، ەرەيمەنتاۋ اۋدانىنىڭ اۋماعىندا ەپيدەميولوگيالىق جاعداي تۇراقتالعانعا دەيىن - ەرەيمەنتاۋ اۋدانى شەكاراسىنىڭ اۋماعىندا ورنالاسقان «كوبەيتۇز»، «قۇربەت»، «تەڭىز»، «قورجىنكول» جانە باسقا دا كولدەرگە بارۋعا تىيىم سالىنادى.
ەكولوگيا مينيسترلىگىنىڭ ءباسپاسوز حاتشىسىدا Facebook پاراقشاسىندا مينيسترلىك تاراپىنان دا كوبەيتۇزدى قورعاۋعا قاتىستى شارالار قولعا الىناتىندىعىن ايتتى. تۋريستەردىڭ كول جاعالاۋىن قوقىسقا تولتىرىپ لاستاۋى جانە تابيعي تۇزدى وزدەرىمەن بىرگە كوپ مولشەردە اكەتۋى ەكولوگيا، گەولوگيا جانە تابيعي رەسۋرستار مينيسترلىگى وكىلدەرىنىڭ الاڭداۋشىلىعىن تۋعىزىپ وتىر. قر ەگترم ەكولوگيالىق رەتتەۋ جانە باقىلاۋ كوميتەتىنىڭ توراعاسى زۇلفىحار جولداسوۆ بۇگىن كولگە ارنايى تەكسەرىسپەن باردى.
سوڭعى ۋاقىتتا قازاقستاندىقتاردىڭ اقمولا وبلىسىنداعى كوبەيتۇز كولىنە جاپپاي بارۋىنابايلانىستى كول جاعالاۋىنىڭ تۇرمىستىق قوقىستارعا تولۋى, ونداعى تابيعي تۇزدى رۇقساتسىز الىپ كەتۋى, كەلۋشىلەردىڭ جەروشاق جاعۋى جانە ايماقتا ۋاقىتشا قۇرىلىستاردىڭ كوبەيۋى جيىلەگەن.
وسىعان وراي، قازاقستاننىڭ ەكولوگيا مينيسترلىگى كولگە كەلۋشىلەرگە زاڭعا سايكەس ءتيىستى اكىمشىلىك جازا بار ەكەنىن ەسكەرتەدى. كولگە شومىلۋدىڭ بەلگىلەنگەن ءتارتىبىن، سانيتارلىق نورمانى جانە ەكولوگيالىق زاڭنامانى بۇزۋشىلار جازاعا تارتىلادى. ءتارتىپتءى بۇزۋشىلارعا ايىپپۇل سالىنادى.
كوبەيتۇز كولى بىرەگەي ءارى ەرەكشە تابيعي كول (الەمدە مۇنداي 8 كول عانا بار). ول بىرنەشە جىلدا ءبىر رەت قىزعىلت تۇسكە بويالىپ وتىرادى. سۋدىڭ قىزعىلت رەڭگە بويالۋىنا نەگىزىنەن تۇزدى تەڭىزدەردى مەكەندەيتىن ءبىرجاسۋشالى دۋناليەللا سورتاڭدى سۋ بالدىرى اسەر ەتەدى دەپ سانالادى. دەمەك, كولدىڭ تۇزدى بولۋىنىڭ ارقاسىندا بۇل بالدىرلار پايدابولعان.
تابيعاتتىڭ ەرەكشە قۇبىلىسىنا زالال كەلتىرۋ مەن كەيبىر ادامداردىڭ جاۋاپسىز ارەكەتى كولدىڭ سۋالۋىنا، ءتىپتى كەيىننەن جويىلۋىنا اكەلۋى مۇمكىن.
كول تەڭىز دەڭگەيىنەن 253 م بيىكتىكتە, اقمولا وبلىسى ەرەيمەنتاۋ اۋدانىنىڭ ءولەڭتءى اۋىلدىق وكرۋگىنىڭ اۋماعىندا ورنالاسقان. كولدىڭ اۋدانى - 690 گا، تەرەڭدىگى - 1,5 م.
قر ەكولوگيا مينيسترلىگىنىڭ وكىلدەرى قازاقستاندىقتاردى تابيعاتتى ايالاۋعا شاقىرادى! تەك ءبىزدىڭ بىرلەسكەن ءىس-قيمىلىمىز بەنەكولوگيالىق سانا-سەزىمىمءىز تابيعاتتىڭ بايلىعىن ساقتاۋعا كومەكتەسەدى!
ەكولوگيا مينيسترلىگى كوبەيتۇز كولىن قورعاۋ ءۇشىن قاتاڭ ءارءى شۇعىل شارالار قابىلداۋعا نيەتتى. قابىلدانعان شارالار تۋرالى كەيىنىرەكحابارلانادى, دەلىنگەن سامال يبراەۆانىڭجازباسىندا.
جالپى سول كوبەيتۇزعا بارىپ، بولىپ جاتقان كورىنىستەردى ءوز كوزدەرىمەن كورگەن تابيعات جاناشىرلارىنىڭ الەۋمەتتىك جەلىدەگى جازبالارى مەن ايتقان اڭگىمەلەرىنەن بىز وسى «جۇرگەن جەرلەرىڭە ءشوپ شىقپاعىرلار» دەگەن قارعىسقا ىلىنگەنبىز با دەگەن وي كەلەدى.
ءتىپتى جەلىدە كوبەيتۇزدىڭ تۇزى نەشە ءتۇرلى اۋرۋعا ەم، كوروناۆيرۋستى دا ەمدەيدى، 1 كيلوگرامى – 5000 تەڭگە تۇرادى دەگەن حابارلاندىرۋلار دا ءجۇر.
ادىرنا ۇلتتىق پورتالى
