Aqmola oblysy Ereımentaý aýdanynyń ákimi men mobıldi baqylaý toby adamdardyń demalys kúnderi kóp shoǵyrlanatyn «Kóbeıtuz», «Teńiz» kólderine reıd ótkizdi. Aýdan ákimi Abaı Elamanuly kólde demalýshylar arasynda aýdanda koronavırýs aýrýynyń keń taralýyna baılanysty qaýipsizdik sharalary týraly túsinikteme júrgizdi, dep habarlaıdy Adyrna ulttyq portaly aýdan ákimdiginiń Facebook paraqshasynasilteme jasaı otyryp habarlaıdy.
13.07.2020 jylǵy Ereımentaý aýdany ákimi A.E. Aljanov ótkizgen jede shtab otyrysynyń hattamasynan: Ereımentaý aýdanynyń turǵyndary arasynda COVID – 19 aýrýynyń ósýine baılanysty jáne Aqmola oblysy boıynsha Bas memlekettik sanıtarlyq dárigerdiń 04.07.2020 jylǵy №86 buıryǵyna sáıkes «Aýmaqta koronavırýstyq ınfekııanyń aldyn alý boıynsha karantındik sharalardy kúsheıtý týraly», Ereımentaý aýdanynyń aýmaǵynda epıdemıologııalyq jaǵdaı turaqtalǵanǵa deıin - Ereımentaý aýdany shekarasynyń aýmaǵynda ornalasqan «Kóbeıtuz», «Qurbet», «Teńiz», «Qorjynkól» jáne basqa da kólderge barýǵa tyıym salynady.
Ekologııa mınıstrliginiń baspasóz hatshysyda Facebook paraqshasynda mınıstrlik tarapynan da Kóbeıtuzdy qorǵaýǵa qatysty sharalar qolǵa alynatyndyǵyn aıtty. Týrısterdiń kól jaǵalaýyn qoqysqa toltyryp lastaýy jáne tabıǵı tuzdy ózderimen birge kóp mólsherde áketýi Ekologııa, geologııa jáne tabıǵı resýrstar mınıstrligi ókilderiniń alańdaýshylyǵyn týǵyzyp otyr. QR EGTRM Ekologııalyq retteý jáne baqylaý komıtetiniń tóraǵasy Zulfyhar Joldasov búgin kólge arnaıy tekserispen bardy.
Sońǵy ýaqytta qazaqstandyqtardyń Aqmola oblysyndaǵy Kóbeıtuz kóline jappaı barýynabaılanysty kól jaǵalaýynyń turmystyq qoqystarǵa tolýy, ondaǵy tabıǵı tuzdy ruqsatsyz alyp ketýi, kelýshilerdiń jeroshaq jaǵýy jáne aımaqta ýaqytsha qurylystardyń kóbeıýi jıilegen.
Osyǵan oraı, Qazaqstannyń Ekologııa mınıstrligi kólge kelýshilerge zańǵa sáıkes tıisti ákimshilik jaza bar ekenin eskertedi. Kólge shomylýdyń belgilengen tártibin, sanıtarlyq normany jáne ekologııalyq zańnamany buzýshylar jazaǵa tartylady. Tártipti buzýshylarǵa aıyppul salynady.
Kóbeıtuz kóli biregeı ári erekshe tabıǵı kól (álemde mundaı 8 kól ǵana bar). Ol birneshe jylda bir ret qyzǵylt túske boıalyp otyrady. Sýdyń qyzǵylt reńge boıalýyna negizinen tuzdy teńizderdi mekendeıtin birjasýshaly dýnalıella sortańdy sý baldyry áser etedi dep sanalady. Demek, kóldiń tuzdy bolýynyń arqasynda bul baldyrlar paıdabolǵan.
Tabıǵattyń erekshe qubylysyna zalal keltirý men keıbir adamdardyń jaýapsyz áreketi kóldiń sýalýyna, tipti keıinnen joıylýyna ákelýi múmkin.
Kól teńiz deńgeıinen 253 m bıiktikte, Aqmola oblysy Ereımentaý aýdanynyń Óleńti aýyldyq okrýginiń aýmaǵynda ornalasqan. Kóldiń aýdany - 690 ga, tereńdigi - 1,5 m.
QR Ekologııa mınıstrliginiń ókilderi qazaqstandyqtardy tabıǵatty aıalaýǵa shaqyrady! Tek bizdiń birlesken is-qımylymyz benekologııalyq sana-sezimimiz tabıǵattyń baılyǵyn saqtaýǵa kómektesedi!
Ekologııa mınıstrligi Kóbeıtuz kólin qorǵaý úshin qatań ári shuǵyl sharalar qabyldaýǵa nıetti. Qabyldanǵan sharalar týraly keıinirekhabarlanady, delingen Samal Ibraevanyńjazbasynda.
Jalpy sol Kóbeıtuzǵa baryp, bolyp jatqan kórinisterdi óz kózderimen kórgen tabıǵat janashyrlarynyń áleýmettik jelidegi jazbalary men aıtqan áńgimelerinen biz osy «Júrgen jerlerińe shóp shyqpaǵyrlar» degen qarǵysqa ilingenbiz ba degen oı keledi.
Tipti jelide Kóbeıtuzdyń tuzy neshe túrli aýrýǵa em, koronavırýsty da emdeıdi, 1 kılogramy – 5000 teńge turady degen habarlandyrýlar da júr.
ADYRNA ULTTYQ PORTALY
