اتىراۋ وبلىسىندا 770-تەن استام كارانتين رەجيمىن بۇزعاندار انىقتالدى دەپ حابارلايدى «ادىرنا» ۇلتتىق پورتالى قازاقستان رەسپۋبليكاسىنىڭ ىشكى ىستەر مينيسترلىگىنە سىلتەمە جاساپ.
وبلىس پوليتسەيلەرىمەن دۇكەندەر مەن سۋپەرماركەتتەردىڭ، كافە-مەيرامحانا يەلەرى تاراپىنان، سونىمەن قاتار، تۇنگى 23.00-دەن كەيىنگى شەكتەۋلەردى ورىنداماعان 400-دەن استام بۇزۋشىلىق دەرەكتەرى انىقتالدى.
دەپارتامەنت باستىعى قامزا ۇمبەتقاليەۆتىڭ ايتۋىنشا، 11 شىلدەدەن باستاپ قۇرامىندا اكىمدىك، سانيتارلىق-ەپيدەميولوگيالىق جانە پوليتسيا وكىلدەرى بار مونيتورينگتىك توپتارمەن كارانتين رەجيمىن بۇزعان 388 دەرەك انىقتالدى.
وسى مەرزىم ىشىندە وبلىستا سالىنعان تىيىمدارعا قاراماستان، ۇيلەرىندە ادام جيناپ، جيىن-توي، ساداقا وتكىزگەن 19 وتباسى انىقتالدى.
موبيلدىك توپتارمەن ءدارى-دارمەكتەردىڭ باعاسىن نەگىزسىز ءوسىرۋ دەرەكتەرىن انىقتاۋ ماقساتىندا، 50-دەن استام ءدارىحانالار تەكسەرىلدى.
تەكسەرىس بارىسىندا قالاداعى ۆوكزال ماڭى 3 مولتەك اۋدانىنداعى، بايمۇحانوۆ كوشەسىندەگى عيماراتتاردىڭ بىرىندەگى جانە قۇرمانعازى اۋىلىنداعى ءدəرىحالاردىڭ بىرىندە ءدəرى-دارمەكتەردى كوتەرمە باعامەن ساتۋ دەرەكتەرى انىقتالدى.
سونىمەن قاتار، تەكسەرۋ كەزىندە بەلگىلەنگەن شەكتەۋلەردى ورىنداماعان بىرنەشە دۇكەن انىقتالدى. مىسالى، سمپ -163 ىقشام اۋدانىنداعى ازىق- تۇلىك دۇكەنى ساعات 21.30 شاماسىندا جۇمىس جاساپ تۇرعان.
وبلىس ورتالىعى اتىراۋ قالاسىندا كارانتيندىك شەكتەۋلەردى ورىنداماعان 450 بۇزۋشىلىق دەرەكتەرى تىركەلدى.
ءتارتىپ ساقشىلارى اتىراۋ وبلىسىنىڭ باس مەملەكەتتىك سانيتارلىق دارىگەرىنىڭ 2020 جىلعى 17 شىلدەدەگى 57 قاۋلىسىنا ساي، اتىراۋ وبلىسى اۋماعىندا كوروناۆيرۋس ينفەكتسياسىنىڭ تارالۋىن ازايتۋ بويىنشا قاتاڭ كارانتيندىك شارالار 19 شىلدە ساعات 00-دەن باستاپ، 3 تامىز ساعات 00-گە دەيىن ۇزارتىلعانىن ەسكەرتەدى.
