ءبىلىم جانە عىلىم ءمينيسترى اسحات ايماعامبەتوۆ جاڭا وقۋ جىلىندا ءبىرىنشى توقساندا قاشىقتان وقىتۋ تۋرالى شەشىم قابىلداۋىنا بايلانىستى اتا-انالار مەن وقۋشىلارعا، سونداي-اق مۇعالىمدەرگە ۇندەۋ جاسادى.
"-قىمباتتى اتا-انالار! ءتورتىنشى توقسان كەزىندە تۇسىنىستىك تانىتقاندارىڭىز ءۇشىن العىس ايتقىم كەلەدى. بالالار مەن مۇعالىمدەرگە، اتا-انالارعا وتە قيىن بولدى. بىراق سىزدەر جاعدايعا تۇسىنىستىكپەن قارادىڭىزدار.
سىزدەردىڭ وسىنداي شەشىمگە تۇسىنىستىكپەن قاراعاندارىڭىزدى قالايمىن. بۇل كەزەڭ اياقتالاتىنىنا جانە ءبىزدىڭ بالالار مەكتەپكە ورالاتىنىنا سەنىمدىمىن. قازىر ءبىز ءبىلىم بەرۋ ساپاسىن قامتاماسىز ەتۋ ءۇشىن بارلىق شارانى قولدانامىز.
"وقۋشىلار مەكتەپتى، دوستارى مەن مۇعالىمدەرىن ساعىندى. شىدامدىلىق قاجەت! ءبىز كوروناۆيرۋستى جەڭەمىز، سىزدەر مىندەتتى تۇردە مەكتەپكە باراسىزدار، بىراق قازىر جاقسىلاپ دەمالىپ، وقۋ جىلىنىڭ باسىنا دايىندالۋ كەرەك،" -دەدى مينيستر وكق-داعى ونلاين-بريفينگتە.
ايتا كەتەيىك، بيىلعى وقۋ جىلىنىڭ ءبىرىنشى توقسانى شالعايدا ورنالاسقان شاعىن جيناقتى اۋىلدى مەكتەپتەردى قوسپاعاندا، ەلىمىزدىڭ بارلىق مەكتەپتەرىندە 1-11 سىنىپتاردا قاشىقتان وقىتۋ فورماتىندا باستالادى.
-باستاۋىش سىنىپ وقۋشىلارىنىڭ اتا-انالارىنىڭ ءوتىنىشى بويىنشا، احۋال جاقسارعان جاعدايدا، قاتاڭ سانيتارلىق شارالاردى ساقتاي وتىرىپ، كەزەكشى سىنىپتاردىڭ جۇمىس ىستەۋىنە مۇمكىندىك بەرىلەدى.
-الداعى ۋاقىتتا حالىقتىڭ اۋىرۋ دەڭگەيى تۇراقتى تومەندەۋىنە بايلانىستى، مەكتەپتەردءى اقىرىنداپ ارالاس وقىتۋ جانە شتاتتىق فورماتتا وقىتۋعا كوشىرۋ جۇرگىزىلەدى.
-جوو-رى مەن كوللەدجدەردە وقىتۋ قاشىقتان وقىتۋ رەجيمىندە ۇيىمداستىرىلادى.
ءداستۇرلى فورمات:
-جەكە كەستە بويىنشا زەرتحانالىق جۇمىستار، وندىرىستىك وقىتۋ جانە كاسىبي پراكتيكا ءۇشىن بولادى;
-شالعايدا ورنالاسقان كوللەدجدەردە از كونتينگەنتىمەن سانيتارلىق رەجيمدى نىعايتا وتىرىپ وتكىزىلەدى.
