«7-20-25» باعدارلاماسىنا كىمدەر قاتىسا الادى؟

   «7-20-25» – بۇل قازاقستاننىڭ ءاربىر ازاماتىنا قولجەتىمدى نەسيە بەرۋ شارتىمەن تۇرعىن ءۇي الۋعا مۇمكىندىك بەرەتىن باعدارلاما اتاۋى. «ادىرنا» ۇلتتىق پورتالى  «7-20-25»  باعدارلاماسىنا قالاي قاتىسۋعا بولاتىنىن تۇسىندىرەدى.   باعدارلاماعا كىمدەر قاتىسا الادى؟ -قازاقستان رەسپۋبليكاسىنىڭ ازاماتتارى; -قر اۋماعىندا جەكە تۇرعىن ءۇيى جوق ادامدار (مەنشىك قۇقىعىنداعى ءۇيىنىڭ بولماۋى); -راستالعان ەڭبەك نەمەسە كاسىپكەرلىك قىزمەتتەن الىناتىن كىرىسى بار ادامدار (تۇراقتى تابىسى بار); -يپوتەكالىق كرەديتى جوقتار. سونداي-اق، جاتاقحانادا، ەسكى جانە اپاتتى جاعدايدا تۇراتىن ازاماتتار دا قاتىسا الادى. بانكتەر قانداي قۇجاتتاردى تالاپ ەتەدى؟ 1.جۇمىس ورنىڭىزدان سوڭعى التى ايداعى كىرىستى نەمەسە بجزق زەينەتاقى شوتىنان  6 ايلىق اقپارات. بۇعان قوسا تابىس سالىعى بويىنشا سالىق دەكلاراتسيسىن.

2. يپوتەكالىق تۇرعىن ءۇي قارىزدارى بويىنشا بەرەشەكتىڭ جوقتىعى تۋرالى انىقتاما.
3. وتباسىنىڭ مۇشەلەرىنە شاققاندا 15 شارشى مەتردەن از پايدالى الاڭى بار جاتاقحانالاردا، اپاتتىق جاعدايدا تۇرعان ۇيلەردەن باسقا ەل اۋماعىندا تۇرعىن ءۇيى جوقتىعى تۋرالى انىقتاما.

  باسپانا قاي بانكتەر ارقىلى الىنادى؟ «7-20-25» باعدارلاماسىمەن نەسيە العىسى كەلەتىن ازاماتتار ««قازاقستاننىڭ ورنىقتىلىق قورى» اق-مەن ىنتىماقتاستىق تۋرالى كەلىسىمى بار ەكىنشى دەڭگەيلى سەرىكتەس بانكتەرگە جۇگىنەدى. ولار: 1.«بانك تسەنتر كرەديت» اق

2. «سبەربانك» اق
3. «حالىق بانكى» اق
4. «ەۋرازيالىق بانك» اق
5. «اتف بانك» اق
6. «جۋسان بانك» اق
7. «Bank RBK» اق
8. «Fortte Bank» اق

   ۇيدىڭ باعاسى قانشا؟   نۇر-سۇلتان، الماتى، اقتاۋ، اتىراۋ، شىمكەنت – 25 000 000 تەڭگە (25 ملن) قاراعاندى قالاسى – 20 000 000 تەڭگە (20 ملن) وزگە وڭىرلەردە – 15 000 000 تەڭگە (15 ملن)   ەڭ جوعارعى سوماداعى باستاپقى جارنا – 5 000 000 تەڭگە. بۇل – العاشقى اتالعان بەس قالاعا قاتىستى. ەگەر ءۇي العان جاعدايدا اي سايىن 141 335, 84 تەڭگە تولەپ وتىرادى. ال وزگە قالالارداعى تولەم سايكەسىنشە ازايادى.   5 ملن-نان 25 ملن-عا دەيىنگى تولەم جاساۋ مولشەرى  

تۇرعىن ءۇي قۇنى	باستاپقى جارنا مولشەرى	اي سايىنعى تولەم مولشەرى
5 ملن	1 ملن	28 مىڭ
10 ملن	2 ملن	57 مىڭ
15 ملن	3 ملن	85 مىڭ
20 ملن	4 ملن	113 مىڭ
25 ملن	5 ملن	141 مىڭ

    يپوتەكالىق ءۇيدى قالاي الادى؟  ءبىرىنشى, قارىز الۋشى ساتىپ العىسى كەلەتىن ءۇيىن تاڭدايدى جانە تاعايىندايدى. شارتتارى قۇرىلىس سالۋشىلارمەن ناقتىلانادى. قارىز الۋشى بارلىق قاجەتتى قۇجاتتاردى بانككە تاپسىرىپ، قۇرىلىس سالۋشىعا تاعايىنداۋدى ۇزارتۋدى حابارلايدى. ەكىنشى، بانك قارىز الۋشىنىڭ بارلىق قۇجاتتارىن باعدارلامانىڭ شارتتارىنا سايكەستىگىن قارايدى. قارىز الۋشى قۇرىلىس سالۋشىعا كەپىلدەمە حات ۇسىنادى. قۇرىلىس سالۋشى ساتىپ الۋ-ساتۋ شارتىن جاسايدى. ءۇشىنشى،  ساتىپ الۋ-ساتۋ شارتى نوتاريۋسپەن كۋالاندىرىلادى. باستاپقى جارنا ساتىپ الىناتىن تۇرعىن ءۇي كەپىل قۇنىنىڭ 20 پايىزىنا تەڭ بولۋ كەرەك. سول 20 پايىزدى قارىز الۋشىدان الىپ، ءوز ەركىمەن قۇرىلىس سالۋشىنىڭ شوتىنا سالۋ كەرەك. قارىز الۋشى سسش-تى «ساتىپ الۋ-ساتۋ شارتى) EGOV.KZ-تە تىركەيدى. تىركەلگەن ساتىپ الۋ-ساتۋ شارتى بانككە بەرىلەدى. ءتورتىنشى, بانك پەن قارىز الۋشى مىنا ءۇش شارتقا: «قارىز شارتى»، «تولەمدەر كەستەسى»، «ساتىپ الىنعان تۇرعىن ءۇيدىڭ كەپىل شارتى» قول قويادى. ساتىپ الىنعان تۇرعىن ءۇيدىڭ كەپىل شارتى «ازاماتتارعا ارنالعان ۇكىمەت» مەملەكەتتىك كورپوراتسياسى» حاق-ىندا نەمەسە EGOV.KZ-تە تىركەلەدى. ساتىپ الىنعان تۇرعىن ءۇيدىڭ كەپىل شارتى تىركەلگەننەن كەيىن بانك قارىز سوماسىن قۇرىلىس سالۋشىعا اۋدارادى. بەسىنشى، قۇرىلىس اياقتالعاندا قولىڭىزعا ءۇيدىڭ كىلتى تاپسىرىلادى.   بۇل باعدارلاما نەگە ءتيىمدى؟

• باعدارلامانىڭ وپەراتورى – قازاقستاننىڭ ورنىقتىلىق قورى» اق
• بۇل – قازاقستان رەسپۋبليكاسىنىڭ ازاماتتارىنا ارنالعان الەۋمەتتىك باعدارلاما. ءاربىر قازاقستاندى قول جەتىمدى نەسيە بەرۋ شارتىمەن تۇرعىن ءۇيىن جاقسارتۋعا مۇمكىندىك بەرەدى.
• قارىز الۋشىدان قارىزدى بەرۋ جانە قىزمەت كورسەتۋ ءۇشىن كوميسسيا الىنبايدى.
• قاجەت بولاتىن جاعدايدا بانك كەپىل مۇلكىن جانە قارىز الۋشىنىڭ ءومىرىن ساقتاندىرۋدى ءوز ەسەبىنەن جۇزەگە اسىرادى.
• قولدانىستاعى يپوتەكالىق نەسيە ونىمدەرىنىڭ بىردە-ءبىرى مۇنداي ارتىقشىلىققا يە بولعان ەمەس.

  قازىرگى كەزدە باسپانالى بولۋ قازاقستاندىقتاردىڭ ەڭ  وزەكتى ماسەلەسىنە اينالىپ وتىر. وسى ماسەلەنى شەشۋگە 2017  جىلدان بەرى  "نۇرلى جەر" مەملەكەتتىك باعدارلاماسى جۇمىس ىستەپ كەلەدى. ول بەس نەگىزگى باعىت بويىنشا جۇمىس ىستەيدى: -ساتىپ الۋ قۇقىعىنسىز جالعا بەرىلەتىن تۇرعىن ءۇي سالۋ; -كرەديتتىك تۇرعىن ءۇي قۇرىلىسىن سالۋ; -جەكە تۇرعىن ءۇي قۇرىلىسىن سالۋ; -تۇرعىن ءۇي سالۋشىلاردى ىنتالاندىرۋ; -كۆازيمەملەكەتتىك سەكتور سۋبەكتىلەرى ارقىلى تۇرعىن ءۇي سالۋ. ايتا كەتەيىك، ەلىمىزدە "7-20-25" باعدارلاماسىمەن قاتار، "باقىتتى وتباسى" جانە "اسكەري باسپانا" باعدارلامالارى دا جۇمىس ىستەيدى. باقىتتى وتباسى باعدارلاماسىنا 4 نەمەسە ودان دا كوپ بالاسى بارلار قاتىسسا، "اسكەري باسپانا" اسكەري قىزمەتكەرلەرگە ارنالعان.  

دايىنداعان: جاسۇلان ناۋرىزاليەۆ،

«ادىرنا» ۇلتتىق پورتالى