«7-20-25» baǧdarlamasyna kımder qatysa alady?

   «7-20-25» – būl Qazaqstannyŋ ärbır azamatyna qoljetımdı nesie beru şartymen tūrǧyn üi aluǧa mümkındık beretın baǧdarlama atauy. «Adyrna» ūlttyq portaly  «7-20-25»  baǧdarlamasyna qalai qatysuǧa bolatynyn tüsındıredı.   Baǧdarlamaǧa kımder qatysa alady? -Qazaqstan Respublikasynyŋ azamattary; -QR aumaǧynda jeke tūrǧyn üiı joq adamdar (menşık qūqyǧyndaǧy üiınıŋ bolmauy); -Rastalǧan eŋbek nemese käsıpkerlık qyzmetten alynatyn kırısı bar adamdar (tūraqty tabysy bar); -İpotekalyq kreditı joqtar. Sondai-aq, jataqhanada, eskı jäne apatty jaǧdaida tūratyn azamattar da qatysa alady. Bankter qandai qūjattardy talap etedı? 1.Jūmys ornyŋyzdan soŋǧy alty aidaǧy kırıstı nemese BJZQ zeinetaqy şotynan  6 ailyq aqparat. Būǧan qosa tabys salyǧy boiynşa salyq deklarasisyn.

2. İpotekalyq tūrǧyn üi qaryzdary boiynşa bereşektıŋ joqtyǧy turaly anyqtama.
3. Otbasynyŋ müşelerıne şaqqanda 15 şarşy metrden az paidaly alaŋy bar jataqhanalarda, apattyq jaǧdaida tūrǧan üilerden basqa el aumaǧynda tūrǧyn üiı joqtyǧy turaly anyqtama.

  Baspana qai bankter arqyly alynady? «7-20-25» baǧdarlamasymen nesie alǧysy keletın azamattar ««Qazaqstannyŋ ornyqtylyq qory» AQ-men yntymaqtastyq turaly kelısımı bar ekınşı deŋgeilı serıktes bankterge jügınedı. Olar: 1.«Bank Sentr Kredit» AQ

2. «Sberbank» AQ
3. «Halyq bankı» AQ
4. «Euraziialyq bank» AQ
5. «ATF bank» AQ
6. «Jusan bank» AQ
7. «Bank RBK» AQ
8. «Fortte Bank» AQ

   Üidıŋ baǧasy qanşa?   Nūr-Sūltan, Almaty, Aqtau, Atyrau, Şymkent – 25 000 000 teŋge (25 mln) Qaraǧandy qalasy – 20 000 000 teŋge (20 mln) Özge öŋırlerde – 15 000 000 teŋge (15 mln)   Eŋ joǧarǧy somadaǧy bastapqy jarna – 5 000 000 teŋge. Būl – alǧaşqy atalǧan bes qalaǧa qatysty. Eger üi alǧan jaǧdaida ai saiyn 141 335, 84 teŋge tölep otyrady. Al özge qalalardaǧy tölem säikesınşe azaiady.   5 mln-nan 25 mln-ǧa deiıngı tölem jasau mölşerı  

Tūrǧyn üi qūny	Bastapqy jarna mölşerı	Ai saiynǧy tölem mölşerı
5 mln	1 mln	28 myŋ
10 mln	2 mln	57 myŋ
15 mln	3 mln	85 myŋ
20 mln	4 mln	113 myŋ
25 mln	5 mln	141 myŋ

    İpotekalyq üidı qalai alady?  Bırınşı, qaryz aluşy satyp alǧysy keletın üiın taŋdaidy jäne taǧaiyndaidy. Şarttary qūrylys saluşylarmen naqtylanady. Qaryz aluşy barlyq qajettı qūjattardy bankke tapsyryp, qūrylys saluşyǧa taǧaiyndaudy ūzartudy habarlaidy. Ekınşı, bank qaryz aluşynyŋ barlyq qūjattaryn baǧdarlamanyŋ şarttaryna säikestıgın qaraidy. Qaryz aluşy qūrylys saluşyǧa kepıldeme hat ūsynady. Qūrylys saluşy satyp alu-satu şartyn jasaidy. Üşınşı,  satyp alu-satu şarty notariuspen kuälandyrylady. Bastapqy jarna satyp alynatyn tūrǧyn üi kepıl qūnynyŋ 20 paiyzyna teŋ bolu kerek. Sol 20 paiyzdy qaryz aluşydan alyp, öz erkımen qūrylys saluşynyŋ şotyna salu kerek. Qaryz aluşy SSŞ-ty «satyp alu-satu şarty) EGOV.KZ-te tırkeidı. Tırkelgen satyp alu-satu şarty bankke berıledı. Törtınşı, bank pen qaryz aluşy myna üş şartqa: «Qaryz şarty», «Tölemder kestesı», «Satyp alynǧan tūrǧyn üidıŋ kepıl şarty» qol qoiady. Satyp alynǧan tūrǧyn üidıŋ kepıl şarty «Azamattarǧa arnalǧan ükımet» memlekettık korporasiiasy» HAQ-ynda nemese EGOV.KZ-te tırkeledı. Satyp alynǧan tūrǧyn üidıŋ kepıl şarty tırkelgennen keiın bank qaryz somasyn qūrylys saluşyǧa audarady. Besınşı, qūrylys aiaqtalǧanda qolyŋyzǧa üidıŋ kıltı tapsyrylady.   Būl baǧdarlama nege tiımdı?

• Baǧdarlamanyŋ operatory – Qazaqstannyŋ ornyqtylyq qory» AQ
• Būl – Qazaqstan Respublikasynyŋ azamattaryna arnalǧan äleumettık baǧdarlama. Ärbır qazaqstandy qol jetımdı nesie beru şartymen tūrǧyn üiın jaqsartuǧa mümkındık beredı.
• Qaryz aluşydan qaryzdy beru jäne qyzmet körsetu üşın komissiia alynbaidy.
• Qajet bolatyn jaǧdaida bank kepıl mülkın jäne qaryz aluşynyŋ ömırın saqtandyrudy öz esebınen jüzege asyrady.
• Qoldanystaǧy ipotekalyq nesie önımderınıŋ bırde-bırı mūndai artyqşylyqqa ie bolǧan emes.

  Qazırgı kezde baspanaly bolu qazaqstandyqtardyŋ eŋ  özektı mäselesıne ainalyp otyr. Osy mäselenı şeşuge 2017  jyldan berı  "Nūrly jer" memlekettık baǧdarlamasy jūmys ıstep keledı. Ol bes negızgı baǧyt boiynşa jūmys ısteidı: -satyp alu qūqyǧynsyz jalǧa berıletın tūrǧyn üi salu; -kredittık tūrǧyn üi qūrylysyn salu; -jeke tūrǧyn üi qūrylysyn salu; -tūrǧyn üi saluşylardy yntalandyru; -kvazimemlekettık sektor subektılerı arqyly tūrǧyn üi salu. Aita keteiık, elımızde "7-20-25" baǧdarlamasymen qatar, "Baqytty otbasy" jäne "Äskeri baspana" baǧdarlamalary da jūmys ısteidı. Baqytty otbasy baǧdarlamasyna 4 nemese odan da köp balasy barlar qatyssa, "Äskeri baspana" äskeri qyzmetkerlerge arnalǧan.  

Daiyndaǧan: Jasūlan Nauryzaliev,

«Adyrna» ūlttyq portaly