كيىم تاڭداۋدا ءار ادامنىڭ ءوز سۇيىكتى ءتۇسى بولادى. بالكىم، ءسىز دە ءوز گاردەروبىڭىزدا ءبىر ءتۇستىڭ وزگە تۇستەرگە قاراعاندا كوبىرەك ەكەنىن بايقاعان شىعارسىز؟ قۇرمەتتى وقىرمان، بۇل جاي سايكەستىك ەمەس. وسىنداي بىرىڭعاي تۇستەر ۇيلەسىمى ءسىزدىڭ ىشكى جان دۇنيەڭىزدى بەينەلەۋگە سەپتىگىن تيگىزەدى. ەندەشە تۇستەر ارقىلى جان سۇلۋلىعىڭىزعا ءۇڭىلىپ كورەيىك.
قىزىل ءتۇس
قىزىل ءتۇس جۇرەك سوعۋ جيىلىگىن جانە تىنىس الۋدى جوعارىلاتادى. ادامنىڭ بۇل تۇسكە دەگەن ماحابباتى ونىڭ ماقساتشىل ەكەنىن بىلدىرەدى، كەيدە اشۋشاڭ بولۋى دا مۇمكىن. ءسىز ۇنەمى الدا جۇرەسىز جانە كيىمدە ەڭ باتىل ەكسپەريمەنتكە دايىنسىز. ادەتتە، ءسىز ۇمتىلعان نارسەگە قول جەتكىزەسىز جانە سىزگە قارسى تۇرۋ قيىن. ءسىز جىگەرلى، تىك مىنەزدى ادامسىز. بۇل ءتۇستى ۇناتاتىن ادامداردىڭ ءوز-وزىنە سەنىمدى ءارى تۇراقتى ەكەنى دالەلدەنگەن.
كوك ءتۇس
ءسىز سيرەك كۇلەسىز. سەنىمىڭىزگە كىرۋ وتە قيىن. ساق ادامسىز، تەك "جاقىنىم" دەپ قابىلداعان ادامدارعا عانا سەنەسىز.ءسىز وتە تىنىش ادامدار قاتارىنا جاتاسىز. كوگىلدىر تۇسكە قاراعان كەزدە يمپۋلس، قان قىسىمى، تىنىس الۋ جيىلىگى تومەندەيدى. ءوزىڭىزدى قوعامعا كەرەك ادامدار قاتارىنا جاتقىزاسىز.
اق ءتۇس
اق - بوستاندىقتىڭ، تازالىقتىڭ، كىناسىزدىكتىڭ جانە قاراپايىمدىلىقتىڭ سيمۆولى. سوندىقتان ءومىردى نولدەن باستاعىمىز كەلسە، ءبىز وزىمىزگە اق نارسە ساتىپ الامىز.اق ءتۇس سەنىمدى ادامداردى تارتادى. بۇل ءتۇستى تاڭدايتىندار ومىرگە وپتيميستىك كوزقاراسپەن قارايدى. ولار ءار نارسەنى ۇقىپتى ۇستايتىن، جاڭا باستاعانداردى جاقسى كورەتىن جانە جەتىلۋگە ۇمتىلاتىن ادامدار.
كۇلگىن ءتۇس
كۇلگىن ءتۇس - قىزىل مەن كوكتىڭقوسىندىسى. ياعني،ءسىز ءبىر ۋاقىتتا تىنىش ءارى ەموتسيونالدى بولا الاسىز. بۇل ءتۇس بارلىق ستاندارتتى ەمەس ەلەمەنتتەردى بىلدىرەدى. كۇلگىن ءتۇستى ۇناتۋشىلار سيقىرلى قارىم-قاتىناستى قالايدى جانە كوپ قيالدايدى.
قىزعىلت ءتۇس
قىزعىلت ءتۇس - بۇل جۇمساقتىق، نازىكتىك، مەيىرىمدىلىك پەن سەزىمتالدىقتىڭ ءتۇسى. قىزعىلت - قىزىل جانە اق ءتۇستىڭ قوسپاسى، ياعني ەركىندىك قۇمارلىقتى جەڭىلدەتەدى. ەگەر ءسىز بۇل ءتۇستى جاقسى كورەتىن بولساڭىز كەز-كەلگەن قاتىگەزدىك پەن زورلىق-زومبىلىققا جول بەرمەيسىز . وزىنە وسى ءتۇستى تاڭداعان ادام جەڭىل، جايلى الەمدە ءومىر ءسۇرۋدى ءجون كورەدى.
جاسىل ءتۇس
كوپتەگەن ادامدار ءۇشىن ءسىز جۇمباقسىز. بۇل قۇپيالىق ءسىزدىڭ سۇيكىمدىلىگىڭىزدىڭ باستى سەبەبى، سوندىقتان ونى جوعالتپاۋعا تىرىسىڭىز. ماڭگى جاسىلعا دەگەن سۇيىسپەنشىلىك ءسىزدىڭ ەڭبەكقور ەكەنىڭىزدى بىلدىرەدى. ءسىز وزگەلەرگە ۇناعىڭىز كەلەدى، بىراق وزگەلەردىڭ وي-پىكىرىنەن قاشاسىز.
سارى ءتۇس
ءسىز سابىرلى، مەيىرىمدى جانە كوڭىلدى ادامسىز. سارى ءتۇستى تاڭدايتىن ادامدار وزگەرىس پەن ەركىندىكتى قالايدى، سول سەبەپتى بۇل ادامدار تۇراقسىز بولىپ كەلەدى. قيىندىققا وڭاي توتەپ بەرە الادى.
كوك ءتۇس
ءسىز قامقور جانە كوڭىلدى ادامسىز. اشىق كوك - ابايسىزدىق پەن ۇقىپسىزدىقتىڭ ءتۇسى، ويتكەنى ول تالاپ قويمايدى. ءسىز باسقالاردى اشۋلاندىرمايسىز، سەبەبى داۋلاسۋدان قاشاسىز. سەرتكە بەرىك جانسىز.
قوڭىر ءتۇس
قوڭىر تۇسكە قۇمار ادامدار كەز-كەلگەن ءىستى وڭاي يگەرەدى. ءسىز ەشقايدا اسىقپاۋعا تىرىساسىز . بۇگىندە بۇل سيرەك كەزدەسەتىن قاسيەت. بۇل ءتۇستى قالايتىن ادامدار فيزيكالىق دەمالۋدى، تىنىشتىقتى قالايدى. سونداي-اق، ءوز دەنساۋلىعىنا ۇلكەن ءمان بەرەدى. ولار وتباسىعا ەرەكشە ءمان بەرەتىن ادامداردى جاقسى كورەدى. قوڭىر ءتۇستى ءجيى كيەتىن ادام ءوزىنىڭ جەكە "مەنىن" ىزدەۋشى.
قارا ءتۇس
قارا - تولىق جەتىلۋدىڭ ءتۇسى. سوندىقتان ول «ەشتەڭە» يدەياسىن بىلدىرەدى. بۇل ءتۇستى تالعامپازدار تاڭدايدى . قارا كيىمدە ءسىز ارقاشان تاڭعاجايىپ كورىنەسىز. بۇل سىزدە بولىسۋگە اسىقپايتىن كوپتەگەن قۇپيانىڭ بار ەكەنىن كورسەتەدى.قارا كيىمدى ۇناتاتىندار ماقساتشىل كەلەدى، سونىمەن بىرگە وتە سەزىمتال. ادەتتە، ولار ەموتسيونالدى، الايدا ونى جاسىرۋعا تىرىسادى.
ديانا اسانوۆا،
«ادىرنا» ۇلتتىق پورتالى
