Kıim tańdaýda ár adamnyń óz súıikti túsi bolady. Bálkim, siz de óz garderobyńyzda bir tústiń ózge tústerge qaraǵanda kóbirek ekenin baıqaǵan shyǵarsyz? Qurmetti oqyrman, bul jaı sáıkestik emes. Osyndaı biryńǵaı túster úılesimi sizdiń ishki jan dúnıeńizdi beıneleýge septigin tıgizedi. Endeshe túster arqyly jan sulýlyǵyńyzǵa úńilip kóreıik.
Qyzyl tús
Qyzyl tús júrek soǵý jıiligin jáne tynys alýdy joǵarylatady. Adamnyń bul túske degen mahabbaty onyń maqsatshyl ekenin bildiredi, keıde ashýshań bolýy da múmkin. Siz únemi alda júresiz jáne kıimde eń batyl eksperımentke daıynsyz. Ádette, siz umtylǵan nársege qol jetkizesiz jáne sizge qarsy turý qıyn. Siz jigerli, tik minezdi adamsyz. Bul tústi unatatyn adamdardyń óz-ózine senimdi ári turaqty ekeni dáleldengen.
Kók tús
Siz sırek kúlesiz. Senimińizge kirý óte qıyn. Saq adamsyz, tek "jaqynym" dep qabyldaǵan adamdarǵa ǵana senesiz.Siz óte tynysh adamdar qataryna jatasyz. Kógildir túske qaraǵan kezde ımpýls, qan qysymy, tynys alý jıiligi tómendeıdi. Ózińizdi qoǵamǵa kerek adamdar qataryna jatqyzasyz.
Aq tús
Aq - bostandyqtyń, tazalyqtyń, kinásizdiktiń jáne qarapaıymdylyqtyń sımvoly. Sondyqtan ómirdi nólden bastaǵymyz kelse, biz ózimizge aq nárse satyp alamyz.Aq tús senimdi adamdardy tartady. Bul tústi tańdaıtyndar ómirge optımıstik kózqaraspen qaraıdy. Olar ár nárseni uqypty ustaıtyn, jańa bastaǵandardy jaqsy kóretin jáne jetilýge umtylatyn adamdar.
Kúlgin tús
Kúlgin tús - qyzyl men kóktińqosyndysy. Iaǵnı,siz bir ýaqytta tynysh ári emoıonaldy bola alasyz. Bul tús barlyq standartty emes elementterdi bildiredi. Kúlgin tústi unatýshylar sıqyrly qarym-qatynasty qalaıdy jáne kóp qııaldaıdy.
Qyzǵylt tús
Qyzǵylt tús - bul jumsaqtyq, náziktik, meıirimdilik pen sezimtaldyqtyń túsi. Qyzǵylt - qyzyl jáne aq tústiń qospasy, ıaǵnı erkindik qumarlyqty jeńildetedi. Eger siz bul tústi jaqsy kóretin bolsańyz kez-kelgen qatygezdik pen zorlyq-zombylyqqa jol bermeısiz . Ózine osy tústi tańdaǵan adam jeńil, jaıly álemde ómir súrýdi jón kóredi.
Jasyl tús
Kóptegen adamdar úshin siz jumbaqsyz. Bul qupııalyq sizdiń súıkimdiligińizdiń basty sebebi, sondyqtan ony joǵaltpaýǵa tyrysyńyz. Máńgi jasylǵa degen súıispenshilik sizdiń eńbekqor ekenińizdi bildiredi. Siz ózgelerge unaǵyńyz keledi, biraq ózgelerdiń oı-pikirinen qashasyz.
Sary tús
Siz sabyrly, meıirimdi jáne kóńildi adamsyz. Sary tústi tańdaıtyn adamdar ózgeris pen erkindikti qalaıdy, sol sebepti bul adamdar turaqsyz bolyp keledi. Qıyndyqqa ońaı tótep bere alady.
Kók tús
Siz qamqor jáne kóńildi adamsyz. Ashyq kók - abaısyzdyq pen uqypsyzdyqtyń túsi, óıtkeni ol talap qoımaıdy. Siz basqalardy ashýlandyrmaısyz, sebebi daýlasýdan qashasyz. Sertke berik jansyz.
Qońyr tús
Qońyr túske qumar adamdar kez-kelgen isti ońaı ıgeredi. Siz eshqaıda asyqpaýǵa tyrysasyz . Búginde bul sırek kezdesetin qasıet. Bul tústi qalaıtyn adamdar fızıkalyq demalýdy, tynyshtyqty qalaıdy. Sondaı-aq, óz densaýlyǵyna úlken mán beredi. Olar otbasyǵa erekshe mán beretin adamdardy jaqsy kóredi. Qońyr tústi jıi kıetin adam óziniń jeke "menin" izdeýshi.
Qara tús
Qara - tolyq jetilýdiń túsi. Sondyqtan ol «eshteńe» ıdeıasyn bildiredi. Bul tústi talǵampazdar tańdaıdy . Qara kıimde siz árqashan tańǵajaıyp kórinesiz. Bul sizde bólisýge asyqpaıtyn kóptegen qupııanyń bar ekenin kórsetedi.Qara kıimdi unatatyndar maqsatshyl keledi, sonymen birge óte sezimtal. Ádette, olar emoıonaldy, alaıda ony jasyrýǵa tyrysady.
Dıana ASANOVA,
«Adyrna» ulttyq portaly
