الماتى اكىمى باقىتجان ساعىنتاەۆ بۇگىن وتكىزگەن جۇمىس كەڭەسى بارىسىندا فارميندۋستريا وكىلدەرىمەن مەگاپوليسكە ءدارى-دارمەكتەردى جەتكىزۋ ماسەلەسىن تالقىلادى.
قالا اكىمى Facebook-تاعى ءوزىنىڭ پاراقشاسىندا ديستريبيۋتورلىق كومپانيالار جانە ءدارىحانالار جەلىلەرى باسشىلارىمەن كەزەكتى كەزدەسۋدى جەدەل جاعدايدى ءارى ءدارى-دارمەك پرەپاراتتارىنا دەگەن سۇرانىستى قامتاماسىز ەتۋدىڭ قاجەتتى شارالارىن تالقىلاۋ ماقساتىندا وتكىزگەنىن جازدى.
«تاڭەرتەڭ دارىلىك پرەپاراتتارعا سۇرانىستى قامتاماسىز ەتۋ جانە جەدەل جاعداي بويىنشا قاجەتتى شارالاردى تالقىلاۋ ءۇشىن فارميندۋستريا وكىلدەرىمەن كەزەكتى كەزدەسۋ وتكىزدىم. كەلىپ تۇسكەن ءدارى-دارمەكتەر ءدارىحانا سورەلەرىنە ءبىر تاۋلىكتىڭ ىشىندە قويىلادى. بۇگىن رەسەيدەن پرەپاراتتاردىڭ ءىرى پارتياسى كەلەدى.
شامامەن 55 توننا دارىلىك زاتتار، سونىڭ ىشىندە كوۆيدكە قارسى – ىستىقتى تۇسىرەتىن جانە انتيكواگۋليانتتار بار. شىلدە ايىنىڭ سوڭىنا دەيىن الەۋمەتتىك ماڭىزى بار ءدارى-دارمەكتەردىڭ 4,2 ملن قاپتاماسى جەتكىزىلەدى دەپ كۇتىلۋدە»، - دەپ جازدى ب. ساعىنتاەۆ.
قالا اكىمى قول قويىلعان مەموراندۋم اياسىندا قالانىڭ بارلىق اۋداندارىنداعى 105 دارىحاناعا وتە قاجەت پرەپاراتتاردىڭ 41 ءتۇرى تۇراقتى جەتكىزىلەتىنىن ەسكە سالدى.
ءدارىحانا جەلىلەرى مەن ديستريبيۋتورلىق كومپانيالار باسشىلارى ءدارى-دارمەك جەتكىزۋدىڭ رەتتەلگەنىن ايتتى. قول قويىلعان مەموراندۋم اياسىندا قالانىڭ بارلىق اۋداندارىنداعى 105 دارىحاناعا وتە قاجەت پرەپاراتتاردىڭ 41 ءتۇرى تۇراقتى جەتكىزىلۋدە. 1 شىلدەدەن باستاپ ءدارىحانالار الەۋمەتتىك ماڭىزى بار 581 مىڭ ءدارى-دارمەك قاپتاماسىن الدى. جالپى، بۇگىنگى كۇنى 105 ءدارىحانا مەن جەتكىزۋشىلەردىڭ قويمالارىندا 1,8 ملن قاپتاماداعى قاجەتتى ءدارى-دارمەكتەر بار.
قالا اكىمى ءدارى-دارمەكتىڭ تۇراقتى قورىن جاساۋ جونىندەگى جوبانى جۇزەگە اسىرۋ تۋرالى ايتتى.
«كەلەسى قادام – دارىلەردىڭ تۇراقتاندىرۋ قورىن قۇرۋ. ءدارى-دارمەك جەتكىزۋشىلەردى 6-8 اي مەرزىمگە پايىزسىز نەسيەلەندىرۋ ءۇشىن 5 ملرد. تەڭگە ءبولىندى. بۇل – ءدارى-دارمەكتەردى اعىمداعى باعا بويىنشا ساتىپ الىپ، نارىقتىڭ قۇبىلمالى جاعدايىنا بايلانىستى بىرتىندەپ پايدالانۋعا بەرۋ ءۇشىن جاسالدى»، - دەپ حابارلادى باقىتجان ساعىنتاەۆ.
بۇگىنگى كۇنى قالانىڭ 105 ءدارىحاناسىندا جانە جەتكىزۋشىلەردىڭ قويماسىندا الەۋمەتتىك ماڭىزى بار 1,8 ملن ءدارى- دارمەكتەر قاپتامالارى، ونىڭ ىشىندە 1 ملن پاراتسەتامول، 377 مىڭ اسپيرين، 221 مىڭ يبۋپروفەن، 75 مىڭ ازيتروميتسين، 27 مىڭ اموكسيكلاۆ جانە باسقا دارىلەر، سونىمەن قاتار، ءدارىحانالاردا 5928 تەرمومەتر بار.
سۇرانىستى قامتاماسىز ەتۋ ءۇشىن 105 دارىحاناعا قاجەتتى دارىلەردى دەرەۋ جەتكىزۋ ۇيىمداستىرىلدى. 1 شىلدەدەن باستاپ قالا ءدارىحانالارىنا الەۋمەتتىك ماڭىزى بار 581 مىڭ پرەپاراتتار، ونىڭ ىشىندە 283 مىڭ پاراتسەتامول، 129 مىڭ اسپيرين، 36 مىڭ ينگاۆيرين، 29 مىڭ يبۋپروفەن، 28 مىڭ ازيتروميتسين جانە باسقا دارىلەر، سونىمەن قاتار 30 مىڭ تەرمومەتر جىبەرىلدى.
ەسكە سالساق، الماتى قالاسىنىڭ اكىمى ب. ساعىنتاەۆتىڭ تاپسىرماسى بويىنشا، ءدارى -دارمەك جەتكىزۋ جاعدايىن تۇراقتاندىرۋ ءۇشىن قالا اكىمدىگى، جەتكىزۋشىلەر مەن ءدارىحانالار جەلىسى ءوزارا كەلىسىمگە قول قويىپ، ناتيجەسىندە الەۋمەتتىك ماڭىزى بار ءدارى- دارمەكتىڭ 41 ءتۇرى دەرەۋ جەتكىزىلەتىن 105 ءدارىحانا انىقتالعان بولاتىن. وسىنىڭ ارقاسىندا ءدارى-دارمەكتەردى جەتكىزۋ، ولاردىڭ باعاسىن كوتەرمەۋ جانە ءبىر قولعا ءۇش قاپتامادان ارتىق ءدارى بەرمەۋ ماسەلەلەرى رەتكە كەلتىرىلۋدە. سونىمەن قاتار، اتالعان 105 ءدارىحانادا دارىلەردىڭ وتۋىنە، ولاردىڭ 10 ءتۇرىنىڭ جانە تەرمومەترلەردىڭ قانشا قالعانىنا كۇن سايىن مونيتورينگ جۇرگىزىلەدى.
"ادىرنا" ۇلتتىق پورتالى
