Almaty ákimi Baqytjan Saǵyntaev búgin ótkizgen jumys keńesi barysynda farmındýstrııa ókilderimen megapolıske dári-dármekterdi jetkizý máselesin talqylady.
Qala ákimi Facebook-taǵy óziniń paraqshasynda dıstrıbıýtorlyq kompanııalar jáne dárihanalar jelileri basshylarymen kezekti kezdesýdi jedel jaǵdaıdy ári dári-dármek preparattaryna degen suranysty qamtamasyz etýdiń qajetti sharalaryn talqylaý maqsatynda ótkizgenin jazdy.
«Tańerteń dárilik preparattarǵa suranysty qamtamasyz etý jáne jedel jaǵdaı boıynsha qajetti sharalardy talqylaý úshin farmındýstrııa ókilderimen kezekti kezdesý ótkizdim. Kelip túsken dári-dármekter dárihana sórelerine bir táýliktiń ishinde qoıylady. Búgin Reseıden preparattardyń iri partııasy keledi.
Shamamen 55 tonna dárilik zattar, sonyń ishinde kovıdke qarsy – ystyqty túsiretin jáne antıkoagýlıanttar bar. Shilde aıynyń sońyna deıin áleýmettik mańyzy bar dári-dármekterdiń 4,2 mln qaptamasy jetkiziledi dep kútilýde», - dep jazdy B. Saǵyntaev.
Qala ákimi qol qoıylǵan memorandým aıasynda qalanyń barlyq aýdandaryndaǵy 105 dárihanaǵa óte qajet preparattardyń 41 túri turaqty jetkiziletinin eske saldy.
Dárihana jelileri men dıstrıbıýtorlyq kompanııalar basshylary dári-dármek jetkizýdiń rettelgenin aıtty. Qol qoıylǵan memorandým aıasynda qalanyń barlyq aýdandaryndaǵy 105 dárihanaǵa óte qajet preparattardyń 41 túri turaqty jetkizilýde. 1 shildeden bastap dárihanalar áleýmettik mańyzy bar 581 myń dári-dármek qaptamasyn aldy. Jalpy, búgingi kúni 105 dárihana men jetkizýshilerdiń qoımalarynda 1,8 mln qaptamadaǵy qajetti dári-dármekter bar.
Qala ákimi dári-dármektiń turaqty qoryn jasaý jónindegi jobany júzege asyrý týraly aıtty.
«Kelesi qadam – dárilerdiń turaqtandyrý qoryn qurý. Dári-dármek jetkizýshilerdi 6-8 aı merzimge paıyzsyz nesıelendirý úshin 5 mlrd. teńge bólindi. Bul – dári-dármekterdi aǵymdaǵy baǵa boıynsha satyp alyp, naryqtyń qubylmaly jaǵdaıyna baılanysty birtindep paıdalanýǵa berý úshin jasaldy», - dep habarlady Baqytjan Saǵyntaev.
Búgingi kúni qalanyń 105 dárihanasynda jáne jetkizýshilerdiń qoımasynda áleýmettik mańyzy bar 1,8 mln dári- dármekter qaptamalary, onyń ishinde 1 mln paraetamol, 377 myń aspırın, 221 myń ıbýprofen, 75 myń azıtromıın, 27 myń amoksıklav jáne basqa dáriler, sonymen qatar, dárihanalarda 5928 termometr bar.
Suranysty qamtamasyz etý úshin 105 dárihanaǵa qajetti dárilerdi dereý jetkizý uıymdastyryldy. 1 shildeden bastap qala dárihanalaryna áleýmettik mańyzy bar 581 myń preparattar, onyń ishinde 283 myń paraetamol, 129 myń aspırın, 36 myń ıngavırın, 29 myń ıbýprofen, 28 myń azıtromıın jáne basqa dáriler, sonymen qatar 30 myń termometr jiberildi.
Eske salsaq, Almaty qalasynyń ákimi B. Saǵyntaevtyń tapsyrmasy boıynsha, dári -dármek jetkizý jaǵdaıyn turaqtandyrý úshin qala ákimdigi, jetkizýshiler men dárihanalar jelisi ózara kelisimge qol qoıyp, nátıjesinde áleýmettik mańyzy bar dári- dármektiń 41 túri dereý jetkiziletin 105 dárihana anyqtalǵan bolatyn. Osynyń arqasynda dári-dármekterdi jetkizý, olardyń baǵasyn kótermeý jáne bir qolǵa úsh qaptamadan artyq dári bermeý máseleleri retke keltirilýde. Sonymen qatar, atalǵan 105 dárihanada dárilerdiń ótýine, olardyń 10 túriniń jáne termometrlerdiń qansha qalǵanyna kún saıyn monıtorıng júrgiziledi.
"Adyrna" ulttyq portaly
