اباي اۋدانى اۋماعىندا اباتتاندىرىلىپ جاتقان اۋلالاردىڭ قۇرىلىس جۇمىستارىن جان-جاقتى تانىستىرۋ بويىنشا ارنايى باق وكىلدەرىنە ارناپ پرەسس-تۋر وتكىزىلدى. ساپار بارىسىندا اۋدان اكىمىنىڭ مىندەتىن اتقارۋشى ە.زانكوەۆ اتقارىلىپ جاتقان جۇمىستار مەن جوسپارلاردى باياندادى.
اۋدان اۋماعىنداعى جالپى 258 اۋلانىڭ، قازىرگى تاڭدا 107 اۋلاسى اباي اۋدانى اكىمى اپپاراتى تاراپىنان اباتتاندىرىلۋدا، سونىمەن قاتار، سپورت الاڭشالارى ورناتىلۋدا. ونىڭ ىشىندە «جۇمىسپەن قامتۋدىڭ جول كارتاسى» شەڭبەرىندە رەسپۋبليكالىق بيۋدجەت ترانسفەرتى ەسەبىنەن، اۋلالاردى اباتتاندىرۋ بويىنشا 1 780 819 مىڭ تگ. بولىنگەن. بۇل رەتتە اباي اۋدانى بويىنشا جالپى 66 اۋلا اباتتاندىرىلادى (مەردىگەر مەكەمەلەر – «ىنتىماق بەس ارىس» - 22 اۋلا، جانە بيۋلد ستروي» جشس – 44 اۋلا).
ودان بولەك، جەرگىلىكتى بيۋدجەتتەن قاراستىرىلعان نىساندارعا توقتالساق، 41 اۋلانى قايتا جاڭارتىپ، بالالار ويىن الاڭشاسىن ورناتۋ جۇمىستارىنا 637 ملن. 441 مىڭ تەڭگە قارجى قارالعان، ول جۇمىستار ماۋسىم ايىندا باستالدى. ونىڭ قۇرىلىسى شىلدە ايىنىڭ سوڭىندا اياقتالىپ، پايدالانۋعا بەرۋ جوسپارلانۋدا (مەردىگەر مەكەمە «انداس گرۋپ» جشس - 17 اۋلا، «الەم ەنەرگو ستروي» جشس - 16 اۋلا، «قاينازار» جشس - 8 اۋلا).
سونىمەن قاتار، اۋدان اۋماعىنداعى 8 ەلدىمەكەنگە اشىق سپورت الاڭشاسى ورناتىلۋدا، جوبا قۇنى - 131 ملن. 525 مىڭ تەڭگە. جۇمىستار ماۋسىم ايىندا باستالعان. قۇرىلىسى شىلدە ايىنىڭ سوڭىندا اياقتالماق (مەردىگەر مەكەمە – «الەم ەنەرگو ستروي» جشس - 6 سپورت الاڭشا جانە «ايكوم» جشس - 2 سپورت الاڭشا).
جالپى، اۋدانداعى 50 اشىق سپورت الاڭشانىڭ 24-ءنىڭ جوندەۋ جۇمىستارىنا 114 ملن. 478 مىڭ تەڭگە قارجى ءبولىنىپ، بۇگىنگى كۇندە ونىڭ قۇرىلىسى اياقتالىپ، قابىلداۋ جۇمىستارى جۇرگىزىلۋدە (مەردىگەر مەكەمە – «ايكوم» جشس).
شىمكەنت
