شىمكەنت قالاسىنىڭ باس مەملەكەتتىك سانيتارلىق دارىگەرىنىڭ 01.07.2020 جىلعى №24 قاۋلىسىنا سايكەس، دەپارتامەنت اۋداندىق باسقارمالارىمەن بىرلەسىپ، 4 مونيتورينگتىك توپ قۇردى.
قالاداعى بارلىعى 48 ءدارىحانا بويىنشا (شىمكەنت قالاسىنداعى بولشەك ساۋدا جەلىلەرى "زەردە فارما" جشس، "ەۆروفارما" جشس، "فارملاين" جشس، "مەدەل" جشس، "فارماكوم" جشس جانە ت.ب.) 45 دارىلىك زاتتار اتاۋى بويىنشا مونيتورينگ جۇرگىزىلدى.
مونيتورينگ ناتيجەسىندە، قالا تۇرعىندارىن وتكىزۋ ءۇشىن ءدارىحانالاردىڭ دارىلىك زاتتارمەن قامتاماسىز ەتىلۋ جاعدايى، قوسىمشا جوسپارلانعان جەتكىزۋ كۇندەرى بويىنشا، سونداي-اق رەتسەپتسىز دارىلىك زاتتاردى ءبىر قولعا بوساتۋ جانە رەتسەپت بويىنشا رەتسەپتۋرالىق پرەپاراتتاردى بوساتۋ شەكتەۋلەرىن ساقتاۋ بويىنشا جاعدايلار انىقتالدى.
مونيتورينگتىك توپتار قر دسم 15.07.2019 ج. № كر دسم-104 بۇيرىعىمەن بەكىتىلگەن ءدارىحانالاردا شەكتى بولشەك ساۋدا باعالارىن ارتتىرعانى ءۇشىن قر 2014 جىلعى 5 شىلدەدەگى № 235-V قرز "اكىمشىلىك قۇقىق بۇزۋشىلىق تۋرالى"كودەكسىنىڭ 426-بابىنىڭ 1-بولىگى بويىنشا اكىمشىلىك جاۋاپكەرشىلىك قاراستىرىلعانى تۋرالى تۇسىندىرمە جۇمىستارىن دا جۇرگىزدى.
قالا ءدارىحانالارىندا "پاراتسەتامول", "تسەفازولين", "تسەف 3", "اتسيكلوۆير", "اسكوربين قىشقىلى" سياقتى دارىلىك زاتتاردىڭ تاپشىلىعى بايقالادى. دەگەنمەن وسى پرەپاراتتاردىڭ باسقا دا ساۋدا اتاۋلارىمەن انالوگتارى بار. وسىعان بايلانىستى، ءدارىحانالاردا ءدارى-دارمەك جوق بولعان جاعدايدا، حالىققا دارىلىك زاتتاردىڭ انالوگتارىن باسقا ساۋدا اتاۋلارىمەن ساتىپ الۋلارىنا بولادى. بۇل بويىنشا ءتۇسىندىرۋ جۇمىستارىن جۇرگىزۋگە ۇسىنىستار بەرىلدى.
شىمكەنت
