ەلىمىزدەگى پاندەميالىق جاعدايعا بايلانىستى پرەزيدەنت قاسىم-جومارت توقاەۆتىڭ تاپسىرماسىمەن ۇكىمەتتە ەكونوميكالىق ءوسىمدى قايتا قالپىنا كەلتىرۋ جونىندە كەشەندى جوسپار ازىرلەندى. وسى جوسپارعا سايكەس، شىمكەنت قالاسىندا داعدارىسقا قارسى ءىس-قيمىل جوسپارى بەكىتىلدى. شىمشاھاردا شاعىن شاعىن جانە ورتا بيزنەستىڭ جەكەلەگەن ساناتتارى ءۇشىن سالىقتىق جەڭىلدىكتەر بەرىلدى جانە 3 جىلعا تەكسەرۋدەن بوساتىلدى. بۇدان بولەك، شىمكەنت قالاسىنىڭ كاسىپكەرلىك جانە يندۋستيرالدى-يننوۆاتسيالىق دامۋ باسقارماسىندا جاڭالىق جەتەرلىك. سونىڭ ءبارىن ءبىلۋ ءۇشىن باسقارما باسشىسى بەرەكە دۇيسەبەكوۆپەن سۇحباتتاسقان ەدىك.
-بەرەكە تالعاتۇلى، ءوزىڭىز باسقارىپ وتىرعان باسقارما قالامىز مەگاپوليس ستاتۋسىن العاننان كەيىن، ياعني، 2018 جىلدىڭ 11 شىلدەسىندە قۇرىلعان ەدى. سودان بەرى ونەركاسىپتى دامىتۋ جانە جاڭا جۇمىس ورىندارىن اشۋ، ينۆەستيتسيالار تارتۋ، بيزنەستى مەملەكەتتىك قولداۋ، ساۋدا جانە شاعىن، ورتا بيزنەستى دامىتۋ باعىتتارىندا جۇمىس جاساپ كەلەسىزدەر. قازىردە قالامىزدا باسقارماعا ايماق قارايدى؟
-ءيا، باسقارمانىڭ قۇرىلعانىنا كوپ ۋاقىت بولا قويعان جوق. دەگەمەن، ۋاقىتتىڭ اعىمىمەن كوشتەن قالماۋعا تىرىسىپ جۇمىس ىستەپ كەلەمىز. بۇگىنگى تاڭدا «شىمكەنت اكك» اق، ونىڭ ىشىندە «وڭتۇستىك» جانە «تاسساي» يندۋستريالدى ايماقتارى، «وڭتۇستىك» ارنايى ەكونوميكالىق ايماعى، كولىك-لوگيستيكالىق ايماعى قۇرىلعان.
- ونەركاسىپ بويىنشا وسىمگە توقتالساڭىز...
-ىشكى ءونىمنىڭ كولەمى 2020 جىلدىڭ 4 ايىندا 196,0 ملرد. تەڭگەنى قۇراپ، الدىڭعى جىلدىڭ ءتيىستى مەرزىمىمەن سالىستىرعاندا 2 پايىزعا ارتقان (2019 ج. 4 ايى – 159,9 ملرد. تگ.). 2020 جىلدىڭ سوڭىنا دەيىن 598 ملرد. تەڭگەگە جەتۋ كۇتىلۋدە.
ونەركاسىپ سالاسىندا ۇلەسى 81,8 پايىزدى قۇرايتىن وڭدەۋ ونەركاسىبىندە 160,3 ملرد. تەڭگەنىڭ ءونىمى ءوندىرىلىپ، ءوسىم – 1,5 پايىزدى قۇراپ وتىر (2019ج. 4 اي – 129,5 ملرد. تگ.).
-كاسىپكەرلىكتى قولداۋ كارتاسى قالاي جۇزەگە اسىرىلۋدا؟
-قازاقستان رەسپۋبليكاسىن يندۋستريالىق-يننوۆاتسيالىق دامىتۋدىڭ مەملەكەتتiك باعدارلاماسى شەڭبەرىندە وڭىرلىك كاسىپكەرلىكتى قولداۋ كارتاسىنا 398,6 ملرد. تەڭگەنى قۇرايتىن 6,5 مىڭنان استام جاڭا جۇمىس ورىندارىمەن 61 جوبا ەنگىزىلگەن. ەكىنشى بەسجىلدىقتا جالپى قۇنى 98,2 ملرد. تەڭگەگە 2,5 مىڭنان اسا جاڭا جۇمىس ورىندارىمەن 42 جوبا ىسكە قوسىلدى.
2020 جىلى جالپى قۇنى 23,9 ملرد. تەڭگەگە 454 جاڭا جۇمىس ورىندارىمەن 6 جوبانى جۇزەگە اسىرۋ جوسپارلانۋدا. ولار:
1.««امير-ا» جشس – مەتاللۋرگيالىق زاۋىتتىڭ قۇرىلىسى;
2.«راحات-شىمكەنت» جشس – قانت قوسىلعان جانە كەسكىش پەچەنەسىن ءوندىرۋ جەلىسى;
- «B.A.E.R.» جشس – مەديتسينالىق داكە جانە تاڭۋ ماتەريالدارىن ءوندىرۋ كەشەنىنىڭ قۇرىلىسى;
- «New technology Ltd» جشس – ديزەلدى-گەنەراتورلى زاۋىت قۇرىلىسى;
- «نۇر-kz» جشس – ءتۇستى مەتالل بۇيىمدارىن قۇيۋ كىشى زاۋىتىنىڭ قۇرىلىسى;
- «كورپوراتسيا «امانتا» جشس – گازوبلوك شىعاراتىن زاۋىت قۇرىلىسى.
-قالا اۋماعىنداعى يندۋستريالدى ايماق پەن «وڭتۇستىك» ارنايى ەكونوميكالىق ايماعىندا ىسكە اسىپ نەمەسە جوسپاردا بار جوبالاردى ايتىپ بەرىڭىزشى.
-«وڭتۇستىك» ارنايى ەكونوميكالىق ايماعىنىڭ جالپى اۋماعى 200 گا. ايماقتا قۇنى 29,9 ملرد. تەڭگەنى قۇرايتىن، 1 630 جۇمىس ورىندارىمەن 16 جوبا جۇزەگە اسىرىلعان. ونىڭ ىشىندە 2020 جىلدىڭ اقپان ايىندا «سپ «Lux Shoes» جشس-نىڭ اياق كيىم تاباندارىن شىعارۋ جوباسى ىسكە قوسىلىپ، وندا 20 جاڭا جۇمىس ورنى اشىلدى. جىل سوڭىنا دەيىن «B.A.E.R.» جشس – داكەدەن تاڭۋ ماتەريالدار ءوندىرىسى جوبانىڭ جۇزەگە اسىرىلۋى جوسپارلانۋدا. قازىرگى تاڭدا قالا اكىمدىگى تاراپىنان ايماقتىڭ اۋماعىن 500 گا دەيىن كەڭەيتۋ بويىنشا جۇمىستار جۇرگىزىلۋدە.
شىمكەنت قالاسىندا 2 يندۋستريالدى ايماق: «وڭتۇستىك» – 337 گا جانە «تاسساي» - 89 گا جۇمىس جاسايدى. اتالعان يندۋستريالدى ايماقتاردا (2010-2021 جىلدار ارالىعى) 110,8 ملرد. تەڭگەگە 121 جوبانى جۇزەگە اسىرىپ، 6,5 مىڭعا جۋىق جۇمىس ورنىن اشۋ جوسپارلانعان («وڭتۇستىك» يا – 91 جوبا، 71,8 ملرد. تەڭگە، 5167 ج.و.، «تاسساي» يا – 30 جوبا، 39,1 ملرد. تەڭگە، 1333 ج.و.).
2010-2019 جىلدارى ايماقتاردا 72 جوبا ىسكە اسىرىلىپ، 63,8 ملرد. تەڭگە ينۆەستيتسيا تارتىلعان جانە 4,0 مىڭعا جۋىق جۇمىس ورنى اشىلدى («وڭتۇستىك» يا – 58 جوبا، 37,4 ملرد.تەڭگە، 3923 ج.و.، «تاسساي» يا – 14 جوبا، 28,4 ملرد. تەڭگە، 631 ج.و.). اتالعان يندۋستريالدى ايماقتاردا 2020 جىلى 20,0 ملرد. تەڭگەگە 9 جوبانى جۇزەگە اسىرىپ، 564 جۇمىس ورنىن اشۋ جوسپارلانعان.
سونىمەن قاتار، يندۋستريالدى ايماقتاردىڭ جەر ۋچاسكەلەرى 100% جوبالارعا تولىپ، ءارى قاراي دامىتۋ ماقساتىندا 306 گەكتار جەرگە جاڭا «جۇلدىز» يندۋستريالدى ايماعىن قۇرۋ جۇمىستارى باستالدى. اتالعان يندۋستريالدى ايماقتا نەگىزىنەن قۇرىلىس، مەتاللۋرگيا جانە جيھاز ونەركاسىبىن دامىتۋ كوزدەلگەن.
بۇلاردان بولەك, شىمكەنت قالاسىنىڭ قازاقستاننىڭ ەۋرازيا اۋماعىندا كولىكتىك-لوگيستيكالىق حابى رەتىندە قالىپتاسۋى ماقساتىندا ارنايى لوگيستيكا ايماعى جوباسى جۇزەگە اسىرىلۋدا. ايماققا مىنا كومپانيالار ەنەتىن بولادى:
-«Kazakhstan Logistic group» جشس;
-«Continental Logistics Shymkent» جشس;
-«نپو «زەردە» جشس;
-«Euro Transit service Managerment» جشس;
-«ارمان يۋگ گرۋپپ» جشس.
-قاراپايىم زاتتار ەكونوميكاسى باعدارلاماسىنىڭ ەنگىزىلگەنىنە دە ءبىرشاما ۋاقىت ءوتتى. بۇل باعىتتا نەندەي جۇمىستار ىستەلىنىپ جاتىر؟
-قالادا «قاراپايىم زاتتار ەكونوميكاسى» باعدارلاماسى اياسىندا 79,5 ملرد. تەڭگەگە 96 كاسىپورىن جوباسىمەن ءوتىنىش بەرىلىپ، بۇگىنگى تاڭدا 10,6 ملرد.تەڭگەگە 52 جوبا ەكىنشى دەڭگەيلى بانكتەن نەسيە الۋعا ماقۇلدانسا، 21 جوبا ەكىنشى دەڭگەيلى بانكتەردىڭ قاراۋىندا، ال 8 جوبا بانكتەردىڭ قاراۋىنا قۇجاتتار جيناۋ، 15 كاسىپورىن بيزنەس-جوسپار دايىنداۋ، جاڭا تەحنولوگيالار مەن تىڭ يدەيالار ىزدەۋ ساتىسىندا.
-جىل باسىنان بەرى مەگاپوليسكە قانشا ينۆەستيتسيا تارتىلدى؟
-جىل باسىنان بەرى قالاعا 47,2 ملرد. تەڭگە ينۆەستيتسيا تارتىلدى. ونىڭ ىشىندە تىكەلەي شەتەلدىك ينۆەستيتسيا كولەمى – 3,1 ملرد. تەڭگەنى قۇرايدى.
-شەتەلدىك ينۆەستورلاردىڭ قاتىسۋىمەن ىسكە اسىرىلىپ جاتقان جوبالار تۋرالى ايتساڭىز...
-قالا اۋماعىندا شەتەلدىك ينۆەستورلاردىڭ قاتىسۋىمەن 2,0 ملرد. اقش دوللارىن قۇرايتىن 12 ينۆەستيتسيالىق جوبالار جۇزەگە اسىرىلۋدا.
اتاپ ايتقاندا، 2020 جىلى ىسكە اسىرىلاتىن جوبالار:
- «امير-ا» جشس – مەتاللۋرگيا زاۋىتىنىڭ قۇرىلىسى -
50,0 ملن.$; - «قىتاي-قازاقستان مارگانەتس يندۋستريالىق توبى» جشس – من س17 ماركالى فەرروسيليكومارگانەتس ءوندىرىسىن ۇيىمداستىرۋ - 7,8 ملن.$);
- «اۆەلار سولار تەحنولودجي» جشق – قۋاتى 50مۆت كەس قۇرىلىسى - 20,0 ملن.$;
- «راحات شىمكەنت» جشس – قانت پەچەنەسىنىڭ ءوندىرىسى – 8,2 ملن.$.
-ىسكە اسىرىلىپ جاتقان جوبالار شە؟
- 1. «Highvill Kazakhstan» – زامانۋي كوپقاباتتى ۇيلەردىڭ قۇرىلىسى – 900 ملن.$;
- «Kinder World International» - ءبىلىم بەرۋ كلاستەرىن سالۋ قۇرىلىسى: بالاباقشا، مەكتەپ، كوللەدج، ۋنيۆەرسيتەت - 20,0 ملن.$;
- «Dentafill Kazakhstan» جشس – دارىلىك جانە گيگيەنالىق قۇرالدار شىعاراتىن زاۋىت سالۋ - 2,6 ملن.$;
- «Polpharma» – فارماتسەۆتيكالىق پرەپاراتتار ءوندىرىسىن جاڭعىرتۋ – 36,2 ملن. $
قالا اۋماعىنداعى پەرسپەكتيۆالىق جوبالار:
- «Hill Resources» – بازالىق مايلار ءوندىرىسى -
600 ملن. $; - «Hyosung corpotation» – اجىراتقىشتار مەن ايىرعىشتاردى قۇرىستىرۋ ءوندىرىسى – 14,6 ملن. $;
- «Lianfu Group» – ەنەرگيا ۇنەمدەيتىن اۆتوبۋستار شىعاراتىن زاۋىت سالۋ - 340 ملن. $.;
- «Servier» – دارىلىك پرەپاراتتاردى ءوندىرۋ - 29,2 ملن. $.
-«بيزنەستىڭ جول كارتاسى-2020» بيزنەستى قولداۋ مەن دامىتۋدىڭ مەملەكەتتىك باعدارلاماسى اياسىندا قانشا قارجى يگەرىلدى؟
-2020 جىلى «بيزنەستىڭ جول كارتاسى-2025» باعدارلاماسى اياسىندا 6 164,0 ملن. تەڭگە قاراستىرىلىپ، بۇگىنگى تاڭدا 156 جوبا بويىنشا 414,7 ملن.تەڭگە يگەرىلگەن. ال، مەملەكەتتىك گرانتتار بەرۋ باعىتىنا 205,0 ملن. تەڭگە قاراستىرىلعان.
ال «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى شەڭبەرىندە 2020 جىلى 816,1 ملن. تەڭگە قاراستىرىلعان. بۇگىنگى تاڭدا 110,0 ملن. تەڭگەگە 6 جوباعا شاعىن نەسيەلەر بەرىلگەن.
-جاستار مەن ايەلدەر كاسىپكەرلىگىنە دە اجەپتاۋىر قولداۋ كورسەتىلىپ جاتقانىن بىلەمىز...
-جاستار مەن ايەلدەر كاسىپكەرلىگىنە قولداۋ كورسەتۋ باعىتى بويىنشا
جەرگىلىكتى بيۋدجەتتەن 200,0 ملن. تەڭگە جانە ءوز كەزەگىندە «دامۋ» قورى تاراپىنان قوسىمشا 200,0 ملن. تەڭگە ءبولىنىپ، جالپى نەسيە قورجىنى 400,0 ملن. تەڭگەنى قۇراپ وتىر. بۇگىنگى تاڭدا 7 جوبا بويىنشا 69,8 ملن. تەڭگەگە قولداۋ كورسەتىلگەن.
-ساۋدا، شاعىن جانە ورتا بيزنەستىڭ جاعدايى نە بولىپ جاتىر؟
-جالپى تىركەلگەن شاعىن جانە ورتا كاسىپكەرلىكتىڭ ىشىندە جۇمىس ىستەپ تۇرعان شاعىن جانە ورتا كاسىپكەرلىك سۋبەكتىلەرىنىڭ ۇلەسى 87,2% پايىزدى قۇراپ، جۇمىسكەرلەردىڭ سانى 159,4 مىڭ ادامدى قۇرايدى.
-قالادا الەۋمەتتىك ماڭىزى بار ازىق-تۇلىك تاۋارلارى باعاسى ءوستى مە، تومەندەدى مە؟
-جىل باسىنان الەۋمەتتىك ماڭىزى بار ازىق-تۇلىك تاۋارلارىنىڭ باعا يندەكسى 105,4 پايىزدى قۇرادى. سونداي-اق 9 الەۋمەتتىك ماڭىزى بار ازىق-تۇلىك تاۋارلارىنا باعا ءوسىمى بار.
1) پياز – 21% (114 تگ. – 138 تگ.)
2) ءى سۇرىپتى ۇن –8,8% (147 تگ. – 160 تگ.)
3) كارتوپ – 20,7% (111 تگ. – 134 تگ.)
4) جۇمىرتقا – 6,5% (276 تگ. – 294 تگ.)
5) قاراقۇمىق – 6,3% (299 تگ. – 318 تگ.)
6) تاۋىق ەتى – 3,3% (808 تگ. – 835 تگ.)
7) ءسابىز – 9,2% (120 تگ. – 131 تگ.)
8) قانت – 0,5% (194 تگ. – 195 تگ.)
9) سارى ماي – 3,2% (2173 تگ. – 2242 تگ.)
9 تاۋار باعاسى تومەن:
1) سۇزبە – 39,4% (1868 تگ. – 1132 تگ.)
2) روجكي – 23,9% (272 تگ. – 207 تگ.)
3) قىرىققابات – 38,3% (107 تگ. – 66 تگ.)
4) كۇرىش – 24,9% (361 تگ. – 271 تگ.)
5) ءسۇت – 11,5% (235 تگ. – 208 تگ.)
6) ايران – 8,3% (252 تگ. – 231 تگ.)
7) وسىمدىك مايى – 3,3% (427 تگ. – 413تگ.)
8) سيىر ەتى – 2,9% (1948 تگ. – 1890 تگ.)
9) نان – 0,7% (145 تگ. – 144 تگ.)
1 تاۋاردا باعا اۋىتقۋى جوق (تۇز –50 تگ.)
-قالا بازارلارىنىڭ ءبىرازىندا قۇرىلىس جۇمىستارى جۇرگىزىلدى. سول بويىنشا مالىمەت بەرە كەتسەڭىز.
-مەگاپوليستە «اكبار»، «بەكجان»، «شىمكەنت تۇلپار»، «يساتاي» (الاتاۋ) جانە «كۇلتاي انا» بازارلارىندا قايتا قۇرىلىمداۋ جۇمىستارى اياقتالعان.
جالپى، قالا اۋماعىندا جۇمىس ىستەپ تۇرعان ساۋدا بازارلارىنىڭ سانى – 38 (2017 جىلى «كۇلتاي انا» بازارىنىڭ نىسانالى ماقساتى وزگەرتىلىپ، «سەۆەر» ساۋدا ورتالىعى بولىپ قايتا قۇرىلدى), ونىڭ ىشىندە 25-ءى امبەباپ، 13-ءى مامانداندىرىلعان.
ورتا ەسەپپەن قازىرگى تاڭدا قۇرىلىس جۇمىستارىن جۇرگىزىپ جاتقان «قازىبەك» بازارى 1,2 ملرد. تگ. ال، قايتا قۇرىلىمداۋ جۇمىستارى «ورتالىق قىرعى بازار» جانە «اينا» ساۋدا نىساندارىندا ورتا ەسەپپەن جەكەلەگەن تۇردە 4,0 ملرد. تگ. قۇراپ وتىر.
بۇگىندە «اۆتو نۇر»، «اينا»، «دارحان»، «قاپلانبەك»، «كومەش بۇلاق»، «كوكتەم» جانە «ورتالىق قىرعى» بازارلاردا قايتا قۇرىلىمداۋ جۇمىستارى باستالعان.
سونىمەن قاتار، مال بازارى جانە قازىبەك بازارلارىن قالا سىرتىنا كوشىرۋ جوسپارلانىپ وتىر.
- كاسىپكەرلەرگە قانداي جەڭىلدىكتەر بەرىلدى؟
- شىمكەنتتە ەكونوميكالىق ءوسىمدى قايتا قالپىنا كەلتىرۋ جونىندە پرەزيدەنتتىڭ تاپسىرماسىنا وراي داعدارىسقا قارسى ءىس-قيمىل جوسپارى بەكىتىلىپ، شاعىن شاعىن جانە ورتا بيزنەستىڭ جەكەلەگەن ساناتتارى ءۇشىن سالىقتىق جەڭىلدىكتەر بەرىلدى جانە 3 جىلعا تەكسەرۋدەن بوساتىلدى. اتاپ ايتقاندا:
- ءىرى ساۋدا نىساندارى، كينوتەاترلار، تەاترلار مەن سپورت نىساندارى ءبىر جىلعا زاڭدى تۇلعالار مەن جەكە كاسىپكەرلەر مۇلىك سالىعىنان بوساتىلدى;
- جالپىعا بىردەي بەلگىلەنگەن سالىق سالۋ تارتىبىندە جۇمىس ىستەيتىن جەكە كاسىپكەرلەر تابىس سالىعىنان بوساتىلدى;
- اعىمداعى جىلدىڭ 15 ناۋرىزىنان 15-ماۋسىمىنا دەيىن ءوسىمپۇلداردى ەسەپتەۋ توقتاتىلدى;
- سالىق ەسەپتىلىگىنىڭ مەرزىمى 3 توقسانعا اۋىستىرىلدى;
- تاماق ونىمدەرىن ءوندىرۋ كولەمى بويىنشا شيكىزات بازاسىن ءوسىرۋ جانە ونىڭ ساپاسىن ارتتىرۋ ماقساتىندا جوعارى ساپالى بيولوگيالىق ءونىم يمپورتىنا قوسىمشا قۇن سالىعىنان بوساتىلدى;
- 2020 جىلدىڭ سوڭىنا دەيىن اۋىل شارۋاشىلىعى ماقساتىنداعى جەرلەرگە سالىق تولەۋدەن بوساتىلدى.
-داعدارىسقا قارسى ءىس-قيمىل جوسپارىندا قانداي ماسەلەلەر قارالعان؟
- جوبادا داعدارىس ناتيجەسىندە نەعۇرلىم زارداپ شەككەن كاسىپكەرلىك سۋبەكتىلەرىن انىقتاپ، اتالعان كاسىپكەرلىك سۋبەكتىلەرىنىڭ قىزمەتىن قالپىنا كەلتىرۋ جانە جاڭا كاسىپورىندار قۇرۋ ءۇشىن مەملەكەتتىك باعدارلامالار شەڭبەرىندە جەڭىلدەتىلگەن نەسيەلەر بەرۋ. كاسىپكەرلەردىڭ قولدانىستاعى نەسيەلەرىن قايتا قارجىلاندىرۋ. وتاندىق تاۋار وندىرۋشىلەردى ىنتالاندىرۋ. جۇمىس ورىندارىن ساقتاۋ جانە قۇرۋ، كادرلاردى دايارلاۋ جانە قايتا دايارلاۋ. ميكروقارجى ۇيىمى مەن «بيزنەس ءۇشىن ۇكىمەت» ورتالىعىن قۇرۋ جانە كاسىپكەرلىك سۋبەكتىلەرىن سەرۆيستىك قولداۋ. داعدارىستان ءوتۋ جونىندەگى مەملەكەتتىك قولداۋ شارالارى تۋرالى اقپاراتتىق قامتۋ سىندى قولداۋ شارالارى قاراستىرىلعان.
قالا اكىمى مۇرات ايتەنوۆ تە شىمكەنت قالاسىندا زاڭعا سايكەس اكىمدىك پەن «اتامەكەن» كاسىپكەرلەر پالاتاسىمەن بىرلەسكەن ميكروقارجى ۇيىمى قۇرىلىپ، ونىڭ جارعىلىق كاپيتالىن قالىپتاستىرۋعا ءتيىستى قاراجات ءبولىنۋى كەرەكتىگىن ەسكەرتتى. سونىمەن بىرگە جەرگىلىكتى كاسىپكەرلەردى وڭىرلىك باعدارلاما اياسىندا پايىزدىق مولشەرلەمەسى تومەن نەسيەمەن قامتاماسىز ەتۋ ءۇشىن جەرگىلىكتى بيۋدجەتتەن 1,0 ملرد. تەڭگە ءبولۋ قاراستىرىلۋ قاجەت. سونداي-اق، داعدارىسقا ۇشىراعان كاسىپورىنداردى جانە جاڭا كاسىپورىنداردى اشۋعا باعىتتالعان جوبالاردى 4% پايىزدان اسپايتىن نەسيەمەن قارجىلاي قولداۋ كورسەتىلمەك.
كاسىپكەرلىكتى قولداۋ شارالارى شەڭبەرىندە 725 جوباعا جەڭىلدەتىلگەن نەسيەلەر ۇسىنۋ ارقىلى 3760 جۇمىس ورىن ساقتالىپ، 940 جاڭا جۇمىس ورىندارى قۇرىلاتىن بولادى. ال جۇمىسپەن قامتۋ باعدارلامارىن جۇزەگە اسىرۋ ناتيجەسىندە 15 233 ادام جۇمىسپەن قامتىلىپ، كاسىپكەرلىك ساۋاتتىلىقتى ارتتىرۋ بويىنشا 3176 ادام كاسىپكەرلىك نەگىزدەرىنە وقىتىلاتىن بولادى.
سۇحباتتاسقان مءولدىر كەنجەباي،
"ادىرنا" ۇلتتىق پورتالى
