ق.سەيدۋاليەۆ: اۋرۋحانا باسشىلىعىنىڭ وتستاۆكاسىن تالاپ ەتەم! (ۆيدەو)

1925

تۇركىستان وبلىسى، كەلەس اۋدانىنىڭ حيرۋرگ دارىگەرى جۇمىسقا ۋاقىتشا ورنالاسقانىن راستاپ، باستالعان ءىستى سوڭىنا دەيىن اپاراتىنىن جەتكىزدى.  بۇعان دەيىن جۇمىسقا ورناسقانىن حابارلاعان ەدىك.

ايتۋىنشا، وتباسىن اسىراۋ ءۇشىن جۇمىسقا ۋاقىتشا ورنالاسقان. ءتورت بالاسى بار ەكەن.

قوعامدىق دەنساۋلىق ساقتاۋ باسقارماسى كىنالىلەردى جاۋاپقا تارتپادى،  اۋرۋحانا باسشىسىنىڭ قىزمەتتەن كەتۋىن تالاپ ەتەمىن دەيدى.

 "قوعامدىق دەنساۋلىق ساقتاۋ باسقارماسى مەنى "قارا كۇيە جاقتى" دەپ ءالى دە كىنالاپ وتىر ەكەن. سارىاعاشقا جۇمىسقا ورنالاسقانىم راس. مەن بۇل جەردە ۇزاق ۋاقىت جۇمىس جاسامايمىن، سوتتىڭ، پرەزيدەنتتىڭ شەشىمى شىعام دەگەنشە ورنالاستىم. قۇداي قالاسا ءوزىمنىڭ ادىلەتسىز الىنعان ورنىما سوتتىڭ شەشىمىمەن، حالىقتىڭ كومەگىمەن  بارۋعا نيەتتىمىن. تۇركىستان وبلىسى قوعامدىق دەنساۋلىق ساقتاۋ باسقارماسىنىڭ كەلەس اۋداندىق اباي اۋرۋحاناسىنىڭ باس دارىگەرى ايدا بەكسۇلتانوۆناعا، باس دارىگەردىڭ ورىنباسارى سلاموۆ بەكزاتقا جانە ماعان ادىلەتسىزدىك جاساعان ماماندارعا، باسشىلارعا ەشقانداي شارا قولدانعان جوق. مەن سولارعا شارا قولدانۋ ءۇشىن سوڭىنا دەيىن بارامىن.

قۇرمەتتى قازاق ەلى، ماعان سىزدەردىڭ كومەكتەرىڭىز كەرەك. كومەك بەرىڭىزدەر.

قازىر بۇلاردىڭ بارلىعى مەنى كىنالى قىلىپ تۇر. باسشىلارعا ءبىر شارا قولدانۋدىڭ ورنىنا مەنى كىنالاپ تۇر.

قۇرمەتتى جۋرناليستەر، بلوگەرلەر، جەلى قولدانۋشىلارى،  سىزدەردەن كومەك سۇرايمىن.

قۇرمەتتى قاسىم-جومارت كەمەلۇلى، ماعان كومەك بەرىڭىز. ادىلەتسىز الىنعان ورنىما قايتادان بارۋىما كومەك بەرۋىڭىزدى سۇرانام.

پاندەميا باسىلعاسىن نۇر-سۇلتان قالاسىنا بارىپ، پرەزيدەنتكە ارىز جازامىن.  اۋرۋحانا باسشىلىعى ءوز ىسىنە  ساي ەمەس. وتستاۆكاعا كەتۋىن تالاپ ەتەمىن", - دەدى ۆيدەوسىندا.

 "ادىرنا" ۇلتتىق پورتالى

 

پىكىرلەر
رەداكتسيا تاڭداۋى