Q.Seıdýálıev: Aýrýhana basshylyǵynyń otstavkasyn talap etem! (vıdeo)

1921

Túrkistan oblysy, Keles aýdanynyń hırýrg dárigeri jumysqa ýaqytsha ornalasqanyn rastap, bastalǵan isti sońyna deıin aparatynyn jetkizdi.  Buǵan deıin jumysqa ornasqanyn habarlaǵan edik.

Aıtýynsha, otbasyn asyraý úshin jumysqa ýaqytsha ornalasqan. Tórt balasy bar eken.

Qoǵamdyq densaýlyq saqtaý basqarmasy kinálilerdi jaýapqa tartpady,  aýrýhana basshysynyń qyzmetten ketýin talap etemin deıdi.

 "Qoǵamdyq densaýlyq saqtaý basqarmasy meni "qara kúıe jaqty" dep áli de kinálap otyr eken. Saryaǵashqa jumysqa ornalasqanym ras. Men bul jerde uzaq ýaqyt jumys jasamaımyn, sottyń, prezıdenttiń sheshimi shyǵam degenshe ornalastym. Qudaı qalasa ózimniń ádiletsiz alynǵan ornyma sottyń sheshimimen, halyqtyń kómegimen  barýǵa nıettimin. Túrkistan oblysy Qoǵamdyq densaýlyq saqtaý basqarmasynyń Keles aýdandyq Abaı aýrýhanasynyń bas dárigeri Aıda Beksultanovnaǵa, bas dárigerdiń orynbasary Slamov Bekzatqa jáne maǵan ádiletsizdik jasaǵan mamandarǵa, basshylarǵa eshqandaı shara qoldanǵan joq. Men solarǵa shara qoldaný úshin sońyna deıin baramyn.

Qurmetti Qazaq eli, maǵan sizderdiń kómekterińiz kerek. Kómek berińizder.

Qazir bulardyń barlyǵy meni kináli qylyp tur. Basshylarǵa bir shara qoldanýdyń ornyna meni kinálap tur.

Qurmetti jýrnalıster, blogerler, jeli qoldanýshylary,  sizderden kómek suraımyn.

Qurmetti Qasym-Jomart Kemeluly, maǵan kómek berińiz. Ádiletsiz alynǵan ornyma qaıtadan barýyma kómek berýińizdi suranam.

Pandemııa basylǵasyn Nur-Sultan qalasyna baryp, Prezıdentke aryz jazamyn.  Aýrýhana basshylyǵy óz isine  saı emes. Otstavkaǵa ketýin talap etemin", - dedi vıdeosynda.

 "Adyrna" ulttyq portaly

 

Pikirler
Redakııa tańdaýy