شىمكەنت قالاسىندا ەپيدەميولوگيالىق جاعدايدى رەتكە كەلتىرۋ جانە كوروناۆيرۋستىق ينفەكتسيانىڭ كەڭ تارالۋىن بولدىرماۋ ماقساتىندا ناۋقاستارعا قاجەتتى مەديتسينالىق كومەك كورسەتىلۋدە.
وسى ورايدا، شىمكەنتتەگى جەڭىل اتلەتيكا سپورت كەشەنىنىڭ عيماراتىنان اشىلعان 600 ورىندىق پروۆيزورلى ورتالىقتا دارىگەرلەر ەم قابىلداۋشىلارعا شۇعىل كومەك قولىن سوزۋدا. مۇندا قالا اۋماعىنداعى بارلىق ەمحانالاردان بىلىكتى دارىگەرلەر شاقىرىلعان. ءدارى-دارمەك تەگىن.
بۇعان دەيىن قالاداعى «سامال-3» شاعىناۋدانىندا جاڭا مەكتەپتەن - 400 ورىندىق، پوليتەحنيكالىق كوللەدجىنەن - 400 ورىن، ۇوس ارداگەرلەرى ورتالىعىنان 100 ورىندىق پروۆيزورلى ورىندار اشىلعان ەدى. سونداي-اق، تۇرعىندارعا كومەكتەسەتىن «iKomek» ورتالىعى اشىلدى. جەدەل جەلىدە كۇندىز-ءتۇنى تۇرعىنداردىڭ قوڭىراۋلارىنا جاۋاپ بەرىلەدى. 109 نومىرىنە قوڭىراۋ شالعاندار قازىرگى ەپيدەميولوگيالىق جاعدايعا بايلانىستى ساۋالدارىنا جىلدام جاۋاپ الا الادى. سونىمەن قاتار iKomek ورتالىعىنىڭ 87777109109 ۆاتساپ ءنومىرى دە تۇرعىندار ءۇشىن تاۋلىك بويىنا قىزمەت ەتەدى.
ايتا كەتەيىك، قالا اكىمى م.ايتەنوۆتىڭ تاپسىرماسىنا سايكەس، شاھاردا بۇگىنگە دەيىن بارلىق مەديتسينالىق قۇرال-جابدىقتارمەن قامتىلعان 3320 پروۆيزورلى ورىن اشىلدى. وعان قوسا قالادا 51 كۇندىزگى ستاتسيونار جۇمىس ىستەۋدە. بۇل رەتتە، ناۋقاستارعا كومەك كورسەتۋ ەكى ەسەگە كۇشەيدى. بۇگىنگى تاڭدا شىمكەنت قالالىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى وكىلدەرى قالا دارىحانالارىنداعى حالىق سۇرانىسىنا يە 77 ءدارى تۇرلەرىنىڭ باعاسى جانە ولاردىڭ جەتكىزىلۋى بويىنشا كۇندەلىكتى مونيتورينگ جاساۋدا. ناتيجەسىندە، ءدارىحانالاردا ءدارى-دارمەك قورى جەتكىلىكتى ەكەنى انىقتالدى.
شىمكەنت
