رەسپۋبليكالىق «ۇزدىك ساباق - 2020» ونلاين بايقاۋىندا شىمكەنت قالالىق تىلدەردى وقىتۋ-ادىستەمەلىك ورتالىعىنىڭ وقىتۋشىسى ايسۇلۋ وسپانوۆا جەڭىمپاز اتاندى.
بايقاۋعا ەلىمىزدىڭ بارلىق وڭىرىنەن تىلدەردى وقىتۋ ورتالىقتارىنىڭ ادىسكەرلەرى، جوعارعى وقۋ ورىندارى مەن مەكتەپ وقىتۋشىلارى قاتىسقان.
ەكى ايعا سوزىلعان بايقاۋدا ءتىل ۇيرەنۋشىلەردىڭ قىزىعۋشىلىعى مەن بەلسەندىلىگىن ارتتىرۋعا ارنالعان دەڭگەي تالاپتارىنا ساي تاپسىرمالار بەرىلىپ، ۇزدىك دەپ تانىلعان 8 جۇمىس مەجەگە شىققان. ناتيجەسىندە تىلدەردى وقىتۋ-ادىستەمەلىك ورتالىعىنىڭ وقىتۋشىسى ايسۇلۋ وسپانوۆا باس جۇلدەنى يەلەندى.
ايسۇلۋ تويشىبەكقىزى ورتالىقتا 2009 جىلدان بەرى قازاق ءتىلى مۇعالىمى بولىپ قىزمەت اتقارادى. قازىرگى كەزدە لاتىن ءالىپبيىنىڭ ءتۇسىندىرۋ جۇمىستارىنا بەلسەندى قاتىسىپ جۇرگەن بىلىكتى مامان.
"ادىرنا" ۇلتتىق پورتالى
