از ادام بولسا دا اۋرۋدىڭ بەلەڭ الۋىنا بايلانىستى، قىتاي شامامەن 400 000 ادامدى بەيجىڭگە جاقىن جەردەگى حەبەي تۇرعىندارىن وقشاۋلادى.
شەكتەۋلەر قىتاي استاناسىنا جاقىن ورنالاسقان حەبەي پروۆينتسياسىنىڭ انتسين ۋەزىندە كۇشىنە ەندى.
وتكەن جىلدىڭ اياعىندا قىتايدا پاندەميا پايدا بولعاننان كەيىن، قىتاي ەلى جاڭا ينفەكتسيالاردى ەلدە تۇراقتى تومەن دەڭگەيدە ۇستاپ تۇرا الدى.
ەكىنشى تولقىندى بولدىرماۋ ءۇشىن، ءتىپتى كىشىگىرىم پايدا بولعاندارىن دا ەلدىڭ دەنساۋلىق ساقتاۋ ورگاندارى وتە قاتاڭ نازارعا الىپ وتىر.
حەبەيدە نە بولىپ جاتىر؟
شەنەۋنىكتەر جەكسەنبى كۇنى ءانتسيندى «تولىقتاي قورشاپ، باقىلاۋعا الاتىنىن» مالىمدەدى.
تەك جۇمىسشىلارعا ۇيلەرىنەن شىعۋعا رۇقسات ەتىلەدى، ال ءۇي شارۋاشىلىعىنىڭ ءبىر مۇشەسىنە كۇنىنە ءبىر رەت قانا قاجەتتى زاتتار الۋعا دۇكەنگە شىعۋعا رۇقسات ەتىلەدى.
تۇرعىلىقتى ەمەس تۇرعىندارعا (بوتەن مادامدارعا) عيماراتتارعا، قاۋىمداستىقتارعا نەمەسە اۋىلدارعا كىرۋگە تىيىم سالىنادى. بيلىك تالاپ ەرەجەنى بۇزعان كەز كەلگەن ادامدى پوليتسيا جازالايتىنىن ەسكەرتتى.
انتسين بەيجىڭ قالاسىنىڭ وڭتۇستىگىندە 150 كم (90 ميل) قاشىقتىقتا ورنالاسقان.
قىتاي اقپارات قۇرالدارى ەكى اپتا بۇرىن پەكيندەگى سوڭعى تولقۋلار باستالعالى وكرۋگتە 18 وقيعا بولعانىن ايتادى.
اۋدان قىتايدىڭ ءىرى قالالارىنداي تىعىز قونىستانعان ەمەس، سوندىقتان جەرگىلىكتى دەنساۋلىق ساقتاۋ ماماندارى ولاردىڭ تارالۋىن توقتاتۋعا بولادى دەگەن وپتيميستىك پىكىردە.
"بي-بي-سي" سايتىنان اۋدارعان ناعيما بازارقىزى،
"ادىرنا" ۇلتتىق پورتالى
