اقپارات جانە قوعامدىق دامۋ جانە ءمينيسترى حالىققا ەسەپ بەرۋدە. ايتۋىنشا، «رۋحاني جاڭعىرۋ» باعدارلاماسىن ىسكە اسىرۋ ءۇشىن بيىل 97 تارماقتان تۇراتىن جوسپار جاسالعان. مينيسترلىك اقپارات، ازاماتتىق قوعام، ۇلت ارالىق قاتىناس، ءدىن جانە جاستارمەن جۇمىس سالاسىمەن اينالىسادى.
«تاعى ءبىر ۇلكەن باعىت – بۇل قوعامدىق سانانى رۋحاني جاڭعىرتۋ. بىلەتىندەرىڭىزدەي، بۇل تۋرالى وسىدان ءۇش جىل بۇرىن ۇزاقمەرزىمدى ارنايى باعدارلاما قابىلدانعان. وسى ۋاقىت ىشىندە ءبىراز شارۋا اتقارىلدى. قازىرگى تاڭدا اتالمىش باعدارلاما اياسىندا 13 ارنايى جوبا ىسكە اسىرىلىپ جاتىر. باعدارلامانى ىسكە اسىرۋ بويىنشا بيىلعى 2020 جىلعا ارنالعان 97 تارماقتان تۇراتىن جوسپار دا بار. وعان سايكەس اتقارىلاتىن ءىس-شارالار – تۇلعالىق دامۋ، ۇلتتىق ەرەكشەلىكتى ساقتاۋ جانە مەملەكەت پەن ازاماتتىق قوعامدى دامىتۋ سياقتى 3 باعىتقا بولىنگەن. مىنە، ءار ءوڭىردىڭ وسىنداي ءوز جوسپارى بار»، - دەدى ايدا بالاەۆا
مينيستر اقپاراتتاندىرۋ جاعىنان rruh.kz پورتالى جانە وسى باعدارلاماعا قاتىستى بارلىق ماسەلەلەردى تالقىلاۋ ءۇشىن ارنايى «ازاماتتىق الاڭ» جۇمىس ىستەيتىنىن جەتكىزدى.
«ارينە، كەنجە قالعان ماسەلەلەر دە بار. ولار بويىنشا ءبىز جەرگىلىكتى رەسۋرستىق ورتالىقتارمەن تىعىز قارىم-قاتىناستامىز. ءبىزدىڭ جاعىمىزدان «ەڭبەك – ەلدىڭ مۇراتى»، «قۇقىقتىق مادەنيەت»، «ۇنەم – قوعام قۋاتى»، «ءداستۇر مەن عۇرىپ» اتتى 4 ارنايى جوبا ۇسىنىلىپ وتىر. ولاردىڭ ارقايسىسىنا جەكە كونتسەپتسيا جاسالىپ قويعان. بۇل جوبالاردىڭ بارلىعىنىڭ نەگىزگى يدەياسى – تۇلعانى تاربيەلەۋ مەن قوعامدا بيىك تالعام قالىپتاستىرۋ»، - دەدى مينيستر.
"ادىرنا" ۇلتتىق پورتالى
