موردوۆيادا اباقتىدان شىعىپ، بىراق قايتادان ۋاقىتشا تەرگەۋ يزولياتورىنا قامالعان تاجىكستاننىڭ 24 ازاماتى اشتىق جاريالادى.
ءساۋىر ايىندا ولاردىڭ قاماۋداعى مەرزىمى اياقتالىپ، بىراق كوروناۆيرۋس پاندەمياسىنان كەيىن تاجىكستانعا جونەلتىلمەي قالعان.
"تاجىك جانە ورىس بيلىگىنىڭ ءتيىستى ورگاندارىنا نارازىلىق ءبىلدىرىپ، اشتىق جاريالاپ جاتقانىمىزعا ەكى كۇن بولدى، تەك سۋ ءىشىپ جاتىرمىز. مۇندا جاعداي ءماز ەمەس. ەلشىلىك رەسەيدىڭ فەدەرالدىق ميگراتسيا قىزمەتى بيلەت ساتىپ الىپ بەرىپ، دەپورتاتسيالايتىنىن ايتقان", - دەيدى يلحومجون زاريفوۆ ەسىمدى تاجىك ازاماتى.
تاجىكستاننىڭ رەسەيدەگى ەلشىلىگى بۇل جاعدايدان حاباردار ەكەنىن، ولكە ازاماتتارى مۇمكىندىك بولعاندا بىردەن ەلىنە جىبەرىلەدى دەدى.
كەيبىر مالىمەتكە قاراعاندا، موردوۆياداعى تۇرمەلەردە مىڭعا جۋىق تاجىكستاندىق قاماۋدا وتىر. ولاردىڭ ءبىرازى تۇرمە قىزمەتكەرلەرى تاراپىنان زورلىق-زومبىلىق كورگەنىن ايتىپ شاعىمدانعان. جالپى رەسەيدىڭ رەسمي اقپاراتىنا سايكەس، ەل اۋماعىندا سوتتالىپ، تۇرمەدە وتىرعان تاجىك ازاماتتارىنىڭ سانى 10 مىڭعا جەتەدى.
Centralasia
