شىمكەنتتە مەملەكەتتىك رامىزدەر كۇنىنە ارنالعان "جەلبىرە مەنىڭ جالاۋىم" اتتى پاتريوتتىق شارا ءوتتى.
شىمكەنت قالالىق ىشكى ساياسات جانە ءدىن ىستەرى باسقارماسىنىڭ رۋحاني جاڭعىرۋ ءبولىمى ۇيىمداستىرعان اكتسيادا جاستار قر مەملەكەتتىك ءانۇرانى شىرقالدى، تۇرعىندارعا جالاۋشالار تاراتىلدى. سونداي-اق، ەلىمىزدىڭ تۋى مەن ەلتاڭبا، ءانۇرانى جايىندا ساۋالناما جۇرگىزىلدى.
«ۇلتتىق نىشانداعى مەرەكەنىڭ مەرەيى ۇستەم. كوك تۋدى تەڭدىگىمىزگە، ەلتاڭبامىزدى، ءانۇرانىمىزدى بيىك تۇعىرىمىزعا بالايمىز. بىراق ەلىمىزدە توتەنشە جاعداي توقتاعانىمەن، كارانتيندىك شەكتەۋلەر الىنعان جوق. سوعان بايلانىستى اكتسيانى قاۋىپسىزدىك شارالارىن ساقتاي وتىرىپ، وتكىزىپ جاتىرمىز. ۇلتتىق رۋحتى وياتاتىن مەرەكەلىك ەستافەتا وتكەن، الدىڭعى جىلدارى قولعا الىنعان بولاتىن. بيىلعى چەللەندجگە دە كەز كەلگەن وتانسۇيگىش ازامات قاتىسا الادى»،-دەيدى رۋحاني جاڭعىرۋ ءبولىمىنىڭ مەڭگەرۋشىسى زاۋرە ورالباەۆا.
ۇلتىمىزدىڭ ۇلىلىعىن، تاريحىمىزدىڭ قاسيەتىن تانىتاتىن اكتسيا «اباي» ساياباعى، «اربات» دەمالىس ايماعى «دەندروساياباق»، ەڭبەكشى اۋدانىنداعى «سەۆەر» ساۋدا ورتالىقتارىندا دا جالعاسىن تاپتى.
"ادىرنا" ۇلتتىق پورتالى
