ينفەكتسيالىق دەرتتىڭ ورشۋىنە بايلانىستى شىمكەنت قالاسىندا قوسىمشا 200 ورىنعا ارنالعان پروۆيزورلىق ستاتسيونار اشىلدى. مۇندا جرۆي جانە پنەۆمونيامەن كۇدىكتى ناۋقاستار ەم قابىلدايدى. ستاتسيونار اشىلعان العاشقى كۇننىڭ وزىندە جەدەل جاردەممەن جەتكىزىلگەن 20 ناۋقاس جاتقىزىلدى.
پروۆيزورلىق ورتالىققا مەديتسينالىق ۇيىمداردان ارنايى ماماندار شاقىرتىلعان. سونداي-اق، وكپەسى زاقىمدانعان ازاماتتاردىڭ دەنساۋلىق جاعدايىن جاقسارتۋ ءۇشىن وتتەگى بالوندارىن قولدانۋ مۇمكىندىگى قاراستىرىلعان.
ايتا كەتەيىك، شىمكەنتتە بۇعان دەيىن 1420 توسەك-ورىن اشىلعان بولاتىن. ونىڭ ىشىندە 690 ورىن ينفەكتسيالىق، 290 - كارانتيندىك، 440 پروۆيزور توسەك-ورنى.
بۇگىندە شىمكەنت قالاسىندا جەدەل جاردەم قىزمەتىنە جۇگىنەتىندەردىڭ سانى ارتقان. كۇنىنە 2000-عا دەيىن قوڭىراۋ تۇسەدى. ناۋقاستاردىڭ دەنى جرۆي جانە پنەۆمونيا سىندى جۇقپالى اۋرۋلارعا شاعىمدانۋدا. قولايسىز ەپيدەميالوگيالىق احۋالعا بايلانىستى مەديتسينا ماماندارى ساقتىق شارالارىن كۇشەيتۋ قاجەتتىگىن تاعى دا ەسكە سالادى.
شىمكەنت
