شىمكەنتتە دەزينفەكتسيالاۋ جۇمىستارى قارقىن الدى. ءارى قاتاڭ باقىلاۋدا.
اباي اۋدانى اۋماعىندا ادامدار كوپ شوعىرلاناتىن قوعامدىق ورىندار سانى كوپ. سوندىقتان دا اۋدان اۋماعىنداعى بازارلار مەن كوشەلەر جانە ايالدامالار تولىق زالالسىزداندىرىلدى.
سونىمەن قاتار تۇرعىن الابتارداعى باستى جانە ىشكى ورتالىق كوشەلەر دە ىندەتكە قارسى دارىلەندى.
ال، اۋدان اكىمدىگى جانىنان قۇرىلعان مونيتورينگتىك توبى حالىق كوپ شوعىرلاناتىن ورىنداردا اۋرۋدىڭ الدىن الۋ ءىس شارالارى بويىنشا ءتۇسىندىرۋ جۇمىستارىن جۇرگىزدى.
ءبىر كۇندىك رەيد جۇمىستارى بارىسىندا 157 كاسىپكەرلىك نىساندارعا ءتيىستى شارا كورىلدى.
ەسكە سالا كەتەيىك،
COVID-19 ىندەتىنىڭ وسۋىنە بايلانىستى، حالىق اراسىندا كوروناۆيرۋستىق ينفەكتسيانىڭ تارالۋىن الدىن الۋ ماقساتىندا شىمكەنت قالاسى باس سانيتاريالىق دارىگەرىنىڭ قاۋلىسىنا وزگەرىستەر ەنگىزىلدى. وندا جەكە تۇرعان ازىق-تۇلىك دۇكەندەرىنىڭ جۇمىس ۋاقىتى ساعات 10:00-دەن 21:00-گە دەيىن،
دەمالىس كۇندەرى ساعات 10:00-دەن 18:00-گە دەيىن شەكتەتىلدى. قوعامدىق تاماقتانۋ ورىندارى بولسا 09:00-دەن 21:00-گە دەيىن جۇمىس ىستەيدى. دەگەنمەن دەمالىس كۇندەرى جۇمىستارىن ۋاقىتشا توقتاتا تۇرۋلارىنا تۋرا كەلەدى.
شىمكەنت
