شىمكەنتتەگى پروۆيزورلى ستاتسيونارلاردا توسەك-ورىن مەن ءدارى-دارمەك جەتكىلىكتى

2207
Adyrna.kz Telegram

بۇل كۇندەرى  شىمكەنت قالاسىندا جەدەل جاردەم قىزمەتى كۇشەيىپ، 100 بريگادا تولىقتاي جۇمىس ىستەۋدە. ناتيجەسىندە سوڭعى كەزدەرى شاقىرتۋ ءبىر تاۋلىكتە 1850-گە جەتكەن. بىراق اتالعان مەديتسينالىق شاقىرتۋلاردىڭ باسىم بولىگى – جرۆي (جەدەل رەسپيراتورلى ۆيرۋستىق ينفەكتسيا) جانە پنەۆمونيامەن اۋىرعان ناۋقاستار. بۇل بويىنشا ءبىر كۇندە 129 ناۋقاس قابىلدانعان.

وسى جاعدايعا بايلانىستى شىمكەنت قالاسىنىڭ اكىمى مۇرات دۇيسەنبەكۇلىنىڭ تىكەلەي تاپسىرماسىمەن الدىن الا كارانتيندىك جانە پروۆيزورلى ستاتسيونارلاردىڭ جۇمىسى كۇشەيتىلۋدە. ياعني، قوسىمشا 650 توسەك-ورىن الىنعان. وعان قوسا رەابيليتاتسياعا قوسىمشا 100 توسەك-ورىن جاڭادان جايعاستىرىلعان. سونىمەن قاتار، كارانتيندىك ستاتسيونار بولعان ەكى نىساندى 380 توسەك-ورىنمەن پروۆيزورلى ستاتسيونار قىلىپ قوسقان. بۇدان بولەك، تاعى 1500 توسەك-ورىن دايىندالۋ ۇستىندە. ايتا كەتەيىك، پروۆيزورلى ستاتسيونارلاردا ەمدەۋ شارالارى كەزىندە ءۇش توپقا ءبولىپ، ارنايى الگوريتم جاسالىنعان.

قازىر قالادا پنەۆمونيامەن (وكپە قابىنۋى) اۋىرعان ناۋقاستار سانى 7,2 پايىزعا وسكەن. مۇنى اۋىزدىقتاۋ ءۇشىن قارقىندى جۇمىس جۇرگىزىلىپ جاتقانىن شىمكەنت قالاسى اكىمىنىڭ ءبىرىنشى ورىنباسارى ە.سادىر باق وكىلدەرىنە بەرگەن سۇحباتىندا تىلگە تيەك ەتتى. ونىڭ ايتۋىنشا، قالا اكىمىنىڭ تاپسىرماسىمەن قوسىمشا عيماراتتار اشىلادى.

بۇل رەتتە وكپەنى جاساندى جەلدەتۋ اپپاراتى جونىندە ايتا كەتكەنىمىز دۇرىس. ياعني، قالادا ينفەكتسيالىق اۋرۋلاردىڭ كوبەيۋىنە بايلانىستى جەرگىلىكتى بيۋدجەتتەن 25 يۆل (وكپەنىڭ جاساندى جەلدەتۋ اپپاراتى) اپپارات الىنعان. بۇگىندە جالپى 301 يۆل اپپاراتى بار. سونىمەن قاتار، جاتاقحانالاردا دەمەۋشىلەردىڭ كومەگىمەن وسىنداي 6 اپپارات قويىلعان. جانە دەمەۋشىلەردىڭ تاعى ءبىر كومەگىمەن كيسلورودپەن دەمالاتىن 100 بوبروۆا اپپاراتى الىنۋدا. ال پروۆيزورلى ستاتسيونارلاردا ءدارى-دارمەكتىڭ بارلىعى تولىق جەتكىلىكتى.

ايتا كەتسەك، بۇگىنگە دەيىن شىمكەنت قالاسىندا كوروناۆيرۋس ينفەكتسياسىمەن اۋىرعان 1404 ازامات تىركەلگەن. جالپى قالادا قاۋىپتى ىندەتتەن 13 ادام قايتىس بولىپ، 624 ادام جازىلىپ شىققان.

شىمكەنت 

پىكىرلەر