شىمكەنت قالاسىندا بۇگىنگە دەيىن كوروناۆيرۋس ينفەكتسياسىمەن اۋىرعان 1404 ازامات تىركەلگەن. بۇل رەتتە قاۋىپتى ىندەتتىڭ الدىن الۋ ءۇشىن شاھاردا دەزينفەكتسيا جۇمىستارى كۇشەيتىلگەن.
مىسالى، قاراتاۋ اۋدانى اۋماعىنداعى ادام كوپ شوعىرلانعان ورىنداردى دەزينفەكتسيالاۋ جۇمىستارى قارقىندى جۇرگىزىلۋدە. ياعني، ساياباق، اللەيا، سكۆەر سىندى دەمالىس ورىندارى تولىقتاي ىندەتكە قارسى زالالسىزداندىرىلدى.
سونىمەن قاتار، كوپقاباتتى ۇيلەردىڭ اۋلالارى مەن كىرەبەرىستەرىن دەزينفەكتسيالاۋ جۇمىستارى دا اتقارىلۋدا.
ەگەر ءوزىڭىز تۇراتىن ءۇي اۋلاسىندا دەزينفەكتسيالاۋ كەرەك بولسا، جەرگىلىكتى اكىمدىككە حابارلاسۋلارىڭىزعا بولادى.
دەزينفەكتسيا جۇمىستارىن كۇشەيتكەن شىمكەنت قالاسىنىڭ اكىمدىگى ەرىكتىلەر مەن اسكەريلەردىڭ كۇشىمەن ويىن-ساۋىق ورتالىقتارى مەن قوعامدىق ورىنداردى زالالسىزداندىرىپ، اۋىر جۇك كولىكتەرىمەن كوشەلەردى سانيتارلىق تازالاۋدا. مەگاپوليستەگى بارلىق كوشەگە 20 باعىت بويىنشا 20-دان استام تەحنيكا جۇمىلدىرىلعان. بۇل تىزىمگە ايالدامالاردى زالالسىزداندىرۋ دا ەنگىزىلگەن.
شىمكەنت
