«ادىرنا» ۇلتتىق-ەتنوگرافيالىق بىرلەستىگى» قوعامدىق قورى «جامبىل وبلىسى اكىمدىگى ىشكى ساياسات باسقارماسىنىڭ» تاپسىرىسىمەن «اباي قۇنانبايۇلىنىڭ 175 جىلدىعىنا، ءابۋ ناسىر ءال-ءفارابيدىڭ 1150 جىلدىعىنا ارنالعان ءىس-شارالار كەشەنىن ۇيىمداستىرۋ” جوباسىن قولعا الدى.
جوبا ماقساتى - اباي شىعارماشىلىعىن ءسۇيىپ وقۋعا باۋلۋ، ءومىرىن، قاسيەتتەرىن ۇلگى ەتە وتىرىپ، شىعارماشىلىققا بەيىم جانداردى دارىپتەۋ، 2020 جىلى تۋعانىنا 1150 جىل تولعالى وتىرعان دۇنيە جۇزىلىك ءبىلىم مەن مادەنيەتتىڭ ەكىنشى ۇستازى اتانعان دانىشپان، ادامزاتتىڭ ۇلى ويشىلى ءابۋ ناسىر ءال-ءفارابيدىڭ ءومىرى مەن شىعارماشىلىعىن، تاريحى مەن تاعىلىمىن، ماڭىزىن عىلىم مەن تەحنولوگيالار ارقىلى وسكەلەڭ ۇرپاققا اشىپ كورسەتە وتىرىپ، جاستارعا ءال-فارابي مۇرالارىنىڭ بۇگىنگى ۇرپاق ءۇشىن ونەگە ەكەنىن ناسيحاتتاۋ، ءال-فارابي مەن ابايدىڭ مۇراگەرلىك ساباقتاستىعىن بايلانىستىرا وتىرىپ، شىعارماشىلىق ادامداردىڭ شابىتىن شارىقتاتۋ، عۇلاما ويشىلدىڭ ءومىرى مەن عىلىمعا اكەلگەن ۇلكەن ۇلەسىن ناسيحاتتاۋ.
اتالعان جوبانىڭ ەڭ العاشقى شاراسى «عىلىم تاپپاي ماقتانبا» اتتى وبلىستىق دەلفيلىك ويىندار بايقاۋى بولماق.
«ادىرنا» ۇلتتىق پورتالى
