تۇركىستان وبلىسىنىڭ پوليتسەيلەرى “قاراسورا” جەدەل-پروفيلاكتيكالىق ءىس-شاراسى بارىسىندا التى ەسىرتكى القابى انىقتادى دەپ حابارلايدى «ادىرنا» ۇلتتىق پورتالى قازاقستان رەسپۋبليكاسىنىڭ ىشكى ىستەر مينيسترلىگىنە سىلتەمە جاساپ.
ەستەرىڭىزگە سالا كەتەيىك، 1 ماۋسىمنان 31 قازانىنا دەيىن تۇركىستان وبلىسىنىڭ اۋماعىندا كەڭ اۋقىمدى “قاراسورا” رەسپۋبليكالىق جەدەل-پروفيلاكتيكالىق ءىس-شاراسى وتكىزىلىپ جاتىر. ونىڭ نەگىزگى ماقساتى ەسىرتكىنىڭ زاڭسىز اينالىمىنا بايلانىستى قىلمىستاردى انىقتاۋ جانە جولىن كەسۋ، قۇرامىندا ەسىرتكى بار وسىمدىكتەردىڭ ەگىسىن انىقتاۋ جانە جويۋ، ەسىرتكى ترافيگىنىڭ جولىن كەسۋ، ەسىرتكىنى ساقتاۋمەن جانە ساتۋمەن اينالىساتىن ادامدار مەن ۇيىمداسقان قىلمىستىق توپتاردى ۇستاۋ بويىنشا مۇددەلى ورگاندارمەن جانە ۆەدومستۆولارمەن ءوزارا ءىس-قيمىل جاساۋ بولىپ تابىلادى.
وسىلايشا، تۇركىستان وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى قر ءىىم ەسىرتكى قىلمىسىنا قارسى ءىس-قيمىل دەپارتامەنتىمەن بىرلەسە وتىرىپ، شەكارا ماڭىنداعى اۋماقتاردى، تاۋلى جانە جازىق جەرلەردى، سونداي-اق وزەندەردىڭ جاعالاۋلارىن ارالاپ شىقتى. وتىرار اۋدانىنىڭ اۋماعىندا جۇرگىزىلگەن ءىس-شارالار ناتيجەسىندە، ماياتاس اۋىلىنان 10 شاقىرىم جەردە پوليتسيا قىزمەتكەرلەرى 30 شارشى مەتر قاراسورا ەسىرتكى زاتىن انىقتادى. جەدەل ۋاكىلدەر زاتتاي دالەلدەمەلەر رەتىندە قۇرامىندا ەسىرتكى بار 1200 ءتۇپ وسىمدىكتى الىپ، ساراپتاماعا جىبەردى.
جەدەل-ىزدەستىرۋ ءىس-شاراسى بارىسىندا پوليتسيا قىزمەتكەرلەرى تۇركىستان قالاسىنىڭ تۇرعىنىن ۇستادى. ۇستالعان كۇدىكتىنىڭ ءۇيىن ءتىنتۋ كەزىندە ودان قۇرامىندا ەسىرتكى بار قاراسورا وسىمدىگىنىڭ ۇرىعى، تارازى جانە باسقا دا ايعاقتى زاتتار تاركىلەندى. اتالعان جايت بويىنشا قر قك-ءنىڭ 300-بابى 2-ءبولىمى “قۇرامىندا ەسىرتكى زاتتارى بار وسىرۋگە تىيىم سالىنعان وسىمدىكتەردى زاڭسىز ءوسىرۋ” بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
ودان بولەك، “قاراسورا” جەدەل-پروفيلاكتيكالىقىس-شارا بارىسىندا تۇركىستان وبلىسىنىڭ پوليتسەيلەرى قۇرامىندا ەسىرتكى زاتتارى بار وسىرۋگە تىيىم سالىنعان بەس ەگىستىكتى تاۋىپ، جويدى. سونىڭ ناتيجەسىندە جەدەل ۋاكىلدەر ەسىرتكى ەگەتىندەردەن قۇرامىندا ەسىرتكىسى بار 1000-نان استام ءتۇپ سورا وسىمدىگىن تاركىلەدى.
