Túrkistan oblysynda alty esirtki alqaby anyqtaldy

2421
Adyrna.kz Telegram

Túrkistan oblysynyń polıeıleriQarasorajedel-profılaktıkalyq is-sharasy barysynda alty esirtki alqaby anyqtady dep habarlaıdy «Adyrna» ulttyq portaly Qazaqstan Respýblıkasynyń Ishki ister mınıstrligine silteme jasap.

Esterińizge sala keteıik, 1 maýsymnan 31 qazanyna deıin Túrkistan oblysynyń aýmaǵynda keń aýqymdy “Qarasora” respýblıkalyq jedel-profılaktıkalyq is-sharasy ótkizilip jatyr. Onyń negizgi maqsaty esirtkiniń zańsyz aınalymyna baılanysty qylmystardy anyqtaý jáne jolyn kesý, quramynda esirtki bar ósimdikterdiń egisin anyqtaý jáne joıý, esirtki trafıginiń jolyn kesý, esirtkini saqtaýmen jáne satýmen aınalysatyn adamdar men uıymdasqan qylmystyq toptardy ustaý boıynsha múddeli organdarmen jáne vedomstvolarmen ózara is-qımyl jasaý bolyp tabylady.

Osylaısha, Túrkistan oblysy PD Esirtki qylmysyna qarsy is-qımyl basqarmasynyń qyzmetkerleri QR IIM Esirtki qylmysyna qarsy is-qımyl departamentimen birlese otyryp, shekara mańyndaǵy aýmaqtardy, taýly jáne jazyq jerlerdi, sondaı-aq ózenderdiń jaǵalaýlaryn aralap shyqty. Otyrar aýdanynyń aýmaǵynda júrgizilgen is-sharalar nátıjesinde, Maıatas aýylynan 10 shaqyrym jerde polıııa qyzmetkerleri 30 sharshy metr qarasora esirtki zatyn anyqtady. Jedel ýákilder zattaı dáleldemeler retinde quramynda esirtki bar 1200 túp ósimdikti alyp, saraptamaǵa jiberdi.

Jedel-izdestirý is-sharasy barysynda polıııa qyzmetkerleri Túrkistan qalasynyń turǵynyn ustady. Ustalǵan kúdiktiniń úıin tintý kezinde odan quramynda esirtki bar qarasora ósimdiginiń uryǵy, tarazy jáne basqa da aıǵaqty zattar tárkilendi. Atalǵan jaıt boıynsha QR QK-niń 300-baby 2-bólimi “Quramynda esirtki zattary bar ósirýge tyıym salynǵan ósimdikterdi zańsyz ósirý” boıynsha sotqa deıingi tergeý amaldary júrgizilip jatyr.

Odan bólek, “Qarasora” jedel-profılaktıkalyqis-shara barysynda Túrkistan oblysynyń polıeıleri quramynda esirtki zattary bar ósirýge tyıym salynǵan bes egistikti taýyp, joıdy. Sonyń nátıjesinde jedel ýákilder esirtki egetinderden quramynda esirtkisi bar 1000-nan astam túp sora ósimdigin tárkiledi.

Pikirler