Türkıstan oblysynyŋ poliseilerı “Qarasora” jedel-profilaktikalyq ıs-şarasy barysynda alty esırtkı alqaby anyqtady dep habarlaidy «Adyrna» ūlttyq portaly Qazaqstan Respublikasynyŋ Işkı ıster ministrlıgıne sılteme jasap.
Esterıŋızge sala keteiık, 1 mausymnan 31 qazanyna deiın Türkıstan oblysynyŋ aumaǧynda keŋ auqymdy “Qarasora” respublikalyq jedel-profilaktikalyq ıs-şarasy ötkızılıp jatyr. Onyŋ negızgı maqsaty esırtkınıŋ zaŋsyz ainalymyna bailanysty qylmystardy anyqtau jäne jolyn kesu, qūramynda esırtkı bar ösımdıkterdıŋ egısın anyqtau jäne joiu, esırtkı trafigınıŋ jolyn kesu, esırtkını saqtaumen jäne satumen ainalysatyn adamdar men ūiymdasqan qylmystyq toptardy ūstau boiynşa müddelı organdarmen jäne vedomstvolarmen özara ıs-qimyl jasau bolyp tabylady.
Osylaişa, Türkıstan oblysy PD Esırtkı qylmysyna qarsy ıs-qimyl basqarmasynyŋ qyzmetkerlerı QR IIM Esırtkı qylmysyna qarsy ıs-qimyl departamentımen bırlese otyryp, şekara maŋyndaǧy aumaqtardy, tauly jäne jazyq jerlerdı, sondai-aq özenderdıŋ jaǧalaularyn aralap şyqty. Otyrar audanynyŋ aumaǧynda jürgızılgen ıs-şaralar nätijesınde, Maiatas auylynan 10 şaqyrym jerde polisiia qyzmetkerlerı 30 şarşy metr qarasora esırtkı zatyn anyqtady. Jedel uäkılder zattai däleldemeler retınde qūramynda esırtkı bar 1200 tüp ösımdıktı alyp, saraptamaǧa jıberdı.
Jedel-ızdestıru ıs-şarasy barysynda polisiia qyzmetkerlerı Türkıstan qalasynyŋ tūrǧynyn ūstady. Ūstalǧan küdıktınıŋ üiın tıntu kezınde odan qūramynda esırtkı bar qarasora ösımdıgınıŋ ūryǧy, tarazy jäne basqa da aiǧaqty zattar tärkılendı. Atalǧan jait boiynşa QR QK-nıŋ 300-baby 2-bölımı “Qūramynda esırtkı zattary bar ösıruge tyiym salynǧan ösımdıkterdı zaŋsyz ösıru” boiynşa sotqa deiıngı tergeu amaldary jürgızılıp jatyr.
Odan bölek, “Qarasora” jedel-profilaktikalyqıs-şara barysynda Türkıstan oblysynyŋ poliseilerı qūramynda esırtkı zattary bar ösıruge tyiym salynǧan bes egıstıktı tauyp, joidy. Sonyŋ nätijesınde jedel uäkılder esırtkı egetınderden qūramynda esırtkısı bar 1000-nan astam tüp sora ösımdıgın tärkıledı.
Ūqsas jaŋalyqtar
