قاڭتاردا ۇلتتىق قاۋىپسىزدىك كوميتەتى شەت مەملەكەتتىڭ قۇزىرەتتى ورگاندارىمەن بىرلەسە حالىقارالىق ەسىرتكىگە قارسى وپەراتسيانى جۇزەگە اسىردى، دەپ حابارلايدى «ادىرنا» ءتىلشىسى.
بىرلەسكەن ارەكەتتەردىڭ ناتيجەسىندە الماتى قالاسىندا 8 كگ سينتەتيكالىق «مەتامفەتامين» زاتىن الۋ كەزىندە قازاقستان ازاماتى ۇستالعان.
«اتالعان فاكتى بويىنشا قىلمىستىق كودەكستىڭ 297-بابىنىڭ 3-بولىگى بويىنشا سوتقا دەيىنگى تەرگەپ-تەكسەرۋ جۇرگىزىلۋدە. سوت سانكتسياسىمەن ۇستالعان ادامعا قاتىستى «قاماۋدا ۇستاۋ» بۇلتارتپاۋ شاراسى قولدانىلدى. قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريا ەتۋگە جاتپايدى»،- دەلىنگەن حابارلامادا.
ۇقساس جاڭالىقتار
