شىمكەنت قالاسىندا 21 ماۋسىم – مەديتسينا قىزمەتكەرلەر كۇنىنە وراي شىمكەنت قالاسىنىڭ دەنساۋلىق ساقتاۋ باسقارماسى باسشىسىنىڭ ورىنباسارى ەرنار مىرزاقۇلوۆ اۋرۋحانالارعا ارنايى بارىپ، اق حالاتتى ابزال جانداردى قۇتتىقتادى.
قۇتتىقتاۋ بارىسىندا شىمكەنت دەنساۋلىق ساقتاۋ باسقارماسى باسشىسىنىڭ ورىنباسارى ەرنار مىرزاقۇلوۆ مەديتسينا قىزمەتكەرلەرىنە سىيلىق تاپسىرىپ، جۇمىستارىنا ساتتىلىك تىلەدى.
بۇل مەرەكەلىك سىيلىق شىمكەنت قالالىق كارديولوگيالىق ورتالىق، شىمكەنت قالالىق №1 كلينيكالىق اۋرۋحاناسى، شىمكەنت قالالىق پەريناتالدىق ورتالىق، شىمكەنت قالالىق جۇقپالى اۋرۋلار اۋرۋحاناسى جانە شىمكەنت قالالىق كلينيكالىق بالالار اۋرۋحاناسىنداعى قىزمەتكەرلەرىنە تابىستالدى. ولاردىڭ ارقايسىسىنىڭ 15 بولىمشەسىنە اتالعان سىيلىقتار بەرىلدى.
ءوز كەزەگىندە شىمكەنت قالالىق كارديولوگيالىق ورتالىق باس دارىگەرىنىڭ مىندەتىن اتقارۋشىسى ەرماعانبەت مۇقانۇلى: «قۇرمەتتى ارىپتەستەر، كاسىبي مەرەكەمىزگە وراي شىمكەنت اكىمشىلىگى جانە قالالىق دەنساۋلىق ساقتاۋ باسقارماسى اتىنان سىيلىق جىبەرىپ، ءبىزدى قۇتتىقتاپ وتىر. ريزاشىلىعىمىزدى بىلدىرەمىز. ارىپتەستەرىمە دەنساۋلىقتارىڭىز مىقتى بولىپ، مىنا قيىنشىلىقتان تەزىرەك ءوتىپ، ىندەتتى بىرگە جەڭە بەرەيىك دەگىم كەلەدى»، – دەدى ە.قۋاتباەۆ. ال كارديوحيرۋرگ دارىگەرى تىنىبەك ساپاروۆ ون جىلدان بەرى وسىندا ىستەيتىنىن العا تارتىپ، سىيلىق اكەلگەن كىسىلەرگە العىسىن ايتتى. وسى ورايدا شىمكەنت قالالىق №1 كلينيكالىق اۋرۋحاناسىنىڭ كاسىپوداق توراعاسى قۇرمانباي بايراموۆ تا ءوز راقمەتىن جەتكىزدى.
شىمكەنت
