ەڭبەكشى اۋدانى ازاماتتارىنىڭ ءومىرى مەن دەنساۋلىعىن قورعاۋ جانە كوروناۆيرۋستىق ينفەكتسيانىڭ (COVID-19) تارالۋىنا جول بەرمەۋ ماقساتىندا قۇرىلعان مونيتورينگتىك توپ قوعامدىق كولىكتەردەگى سانيتارلىق تالاپتاردى باقىلاۋعا الدى. الدىمەن №27, 150 جانە اقسۋكەنت-شىمكەنت باعىتىندا قاتىنايتىن كولىكتەردىڭ جۇمىسىمەن تانىسىپ، تازالىق تالابىن ساقتاماعاندارعا ەسكەرتۋ جاسالدى.
سونىمەن قاتار، ساۋدا ورىندارىنا دا رەيد جۇرگىزگەن ماماندار، كارانتين تالاپتارىن قاتاڭ ساقتاۋ جونىندە 78 كوممەرتسيالىق قۇرىلىمدارعا ءتيىستى ەسكەرتۋ بەردى. ال كارانتين رەجيمىن بۇزعان 2 ساۋدا ورىنىنا حاتتاما تولتىرىلدى.
ەسكە سالا كەتەيىك، كاسىپكەرلىك نىساندارى سانيتارلىق رەجيمدى ساقتاپ، كەلۋشىلەرگە ۇنەمى بەتپەردە مەن قولعاپ، انتيسەپتيكپەن قامتاماسىز ەتۋى قاجەت. ولاي بولماعان جاعدايدا جاۋاپكەرشىلىككە تارتىلاتىن بولادى.
شىمكەنت
