2020 جىلعى قاڭتار-مامىر ايلارىنىڭ ارالىعىندا ورتا ەسەپپەن 387,2 مىڭ كوپبالالى وتباسىعا 93,9 ملرد تەڭگە جاردەماقى تولەندى. مامىر ايىندا جاردەماقىنىڭ بۇل ءتۇرىن 396,5 مىڭ وتباسى جالپى سوماسى 20,4 ملرد تەڭگە الدى.بۇل تۋرالى "ادىرنا" ەڭبەك مينيسترلىگىنىڭ ءباسپاسوز قىزمەتىنە سىلتەمە جاساپ حابارلايدى.
اتالعان مەملەكەتتىك جاردەماقىعا تابىسىنا قاراماستان 4 جانە ودان كوپ بىرگە تۇراتىن كامەلەتكە تولماعان نەمەسە كۇندىزگى بولىمدە وقيتىن 23 جاسقا دەيىنگى ستۋدەنت بالالارى بار كوپبالالى وتباسىلار ۇمىتكەر بولا الادى. تولەم مولشەرى 44 532 مىڭ تەڭگەدەن (4 بالا) 77 951 مىڭ تەڭگەگە دەيىن (7 بالا) قۇرايدى، 8 جانە ودان دا كوپ بالاسى بار وتباسىلار ءۇشىن ءار بالا ءۇشىن سارالانعان تۇردە 4 اەك مولشەرىندە بولادى.
قازىرگى كەزدە جاردەماقىنىڭ ۇلعايۋى 8 جانە ودان دا كوپ بالالارى بار وتباسىلار ءۇشىن جەكە مولشەردى بەلگىلەۋ ارقىلى قامتاماسىز ەتىلەدى. ءتيىستى زاڭعا مەملەكەت باسشىسى وسى جىلدىڭ 13 مامىرىندا قول قويدى.
8 بالاسى بار وتباسى ءۇشىن جاردەماقى – 88 896 تەڭگە، 9 بالاعا – 100 008 تەڭگە، 10 – 111 120 تەڭگە، 11 - 122 232 تەڭگە، 12 – 133 344 تەڭگە، 13 – 144 456 تەڭگە، 14 – 155 568 تەڭگە، 15 - 166 680 تەڭگە، 16 – 177 792 تەڭگە تولەنەدى.
زاڭ 2020 جىلعى 1 قاڭتاردان باستاپ كۇشىنە ەنگەن، وسىعان بايلانىستى كوپبالالى وتباسىلارعا بەرىلەتىن جاردەماقى مولشەرى ول تاعايىندالعان كەزدەن باستاپ قايتا ەسەپتەلەدى. وسىلايشا، تولەنبەگەن سوما اعىمداعى جىلدىڭ شىلدە ايىندا اۋدارىلادى.
2020 جىلى كوپبالالى وتباسىلارعا مەملەكەتتىك جاردەماقى تولەۋگە رەسپۋبليكالىق بيۋدجەتتەن 191,1 ملرد. تەڭگە قاراستىرىلعان
