شىمكەنت قالاسىندا تۇرعىنداردىڭ ءومىرىن جانە دەنساۋلىعىن قورعاۋ، كوروناۆيرۋس ينفەكتسياسىنىڭ تارالۋىنا جول بەرمەۋ ماقساتىندا، قالاداعى قوعامدىق كولىكتەرگە كۇنىنە ەكى رەت دەزينفەكتسيالاۋ جۇمىستارى جۇرگىزىلۋدە.
– قالا اكىمىنىڭ تاپسىرماسىنا سايكەس، قوعامدىق كولىكتەر كۇندەلىكتى دەزينفەكتسيالانۋدا. كۇندىز قالادا 76 مارشۋتتىق باعىت بويىنشا 1047 قوعامدىق كولىكتىڭ سوڭعى ايالداماسىندا ءار اينالىم سايىن جانە تاڭەرتەن جانە كەشكى ۋاقىتتا اۆتوبازا اۋماعىندا دەزينفەكتسيالاۋ جۇمىسى تۇراقتى جۇرگىزىلۋدە. سونىمەن قاتار، قوعامدىق كولىك جۇرگىزۋشىلەرى مەن كوندۋكتورلارى تاراپىنان تۇرعىندارعا بەتپەردە تاعۋ جونىندە تۇسىندىرمە جۇمىسى جۇرگىزىلۋدە، - دەيدى شىمكەنت قالاسى جولاۋشىلار كولىگى جانە اۆتوموبيل جولدارى باسقارماسى قوعامدىق كولىك ءبولىمىنىڭ باسشىسى ن. سۇگىراليەۆ.
سونداي-اق، ءبولىم باسشىسى اكىمدىك تاراپىنان قالادا كوروناۆيرۋس ينفەكتسياسىنىڭ الدىن الۋ شارالارى جۇرگىزىلگەنىمەن تۇرعىندار كارانتين تارتىبىنە نەمقۇرايلى قاراپ جاتقانىن جانە ينفەكتسيانىڭ الدىن الۋعا ارەكەتتەنبەيتىنىن دە جەتكىزدى.
– جولاۋشىلار قوعامدىق كولىكتە بەتپەردە تاعۋى مىندەتتى. ءتارتىپ بارىنە ورتاق بولعاسىن تۇرعىندار كارانتين رەجيمىنە باعىنىپ، وزدەرى دە قوعامدىق ورىنداردا ساقتانۋى كەرەك، - دەدى ءبولىم باسشىسى.
ايتا كەتەيىك، بۇگىنگە دەيىن شىمكەنت قالاسى بويىنشا 8 ساياباق، 37 گۇلزار مەن 4094 ايالداما زالالسىزداندىرىلعان.
شىمكەنت
