ەۋروپالىق كوميسسيا ەۋرووداق ەلدەرىنە 1 شىلدەدەن باستاپ سىرتقى شەكارانى بىرتىندەپ اشۋعا بولاتىنىن مالىمدەدى. مۇندا ناۋرىزدىڭ ورتاسىنان بەرى كوروناۆيرۋس پاندەمياسىنا بايلانىستى سىرتقى شەكارا جابىلعان.
كوميسسيا بۇل ۋاقىتقا دەيىن شەنگەن ايماعى ەلدەرى اراسىنداعى شەكتەۋلەر الىنادى دەپ ەسەپتەيدى.
ەۋرووداق شەكارالارى 30 ماۋسىمعا دەيىن تۇراقتى تۇرۋعا رۇقساتى بار جانە ءتۇرلى جاعدايلارمەن بارۋى ءتيىس ازاماتتاردان باسقا ءۇشىنشى ەلدەردىڭ تۇرعىندارىنا جابىق. 1 شىلدەدەن باستاپ ستۋدەنتتەرگە جانە جوعارى كۆاليفيكاتسيالىق ماماندارعا عانا شەكارا اشىلۋى مۇمكىن، بىراق تۋريستەرگە ەمەس.
ەۋروپالىق كوميسسيا مۇنىمەن قوسا 1 شىلدەدەن باستاپ ەۋرووداققا كىرمەيتىن بالقان ەلدەرى ازاماتتارىنا شەكارانۋ اشۋعا كەڭەس بەرگەن.
ءارى قاراي شەكارنى بىرتىندەپ اشۋ ارنايى تالاپتارمەن ءجۇرۋى ءتيىس.
شەنگەن ايماعىنا باراتىن ادامدارعا ۆيزا بەرۋ جۇمىسى دا قايتا ىسكە كىرىسپەك. بىراق ونىڭ مەرزىمى ءالى بەلگىسىز.
ەۋروپالىق كوميسسيانىڭ ۇسىنىسى جۇزەگە اسۋى ءۇشىن، ەۋرووداق ەلدەرى داۋىسقا سالۋى كەرەك.
ەۋروپا ەلدەرىنىڭ كوبىندە سوڭعى اپتادا كوروناۆيرۋس جۇقتىرعاندار مەن ءولىم سانى ازايعان.
سentralasia.org
