بۇگىن قالاداعى كارانتين جاعدايىنا بايلانىستى التىنشى شاقىرىلعان شىمكەنت قالاسى ءماسليحاتىنىڭ الپىس بەسىنشى سەسسياسى ونلاين رەجيمدە ءوتتى. كۇن تارتىبىندە 26 ماسەلە قارالدى.
ناقتىراق ايتار بولساق، سەسسيا بارىسىندا قالا اكىمدىگىنىڭ 2019 جىلعى بيۋدجەتىنىڭ اتقارىلعان ەسەبى تىڭدالىپ، بيۋدجەتكە وزگەرىستەر ەنگىزىلدى. سونىمەن قاتار، «تسيفرلى قازاقستان» باعدارلاماسىنا وراي شىمكەنتتەگى قوعامدىق كولىكتەردىڭ قىزمەتىن جاقسارتۋ ماقساتىندا باعالاردى سارالاۋ ماسەلەسى قارالدى. ەندى قالا تۇرعىندارى جاڭا جۇيەگە سايكەس، قوعامدىق كولىكتە جولاقىسىن ەلەكتروندى تولەگەن جاعدايدا 70 تەڭگە، ال قولما-قول بولسا 100 تەڭگە تولەيدى.
بۇدان بولەك، شاھارداعى ءتورت اۋدان اكىمدەرىنىڭ اتقارعان جۇمىستارىنىڭ ەسەبى تىڭدالىپ، مەكتەپكە دەيىنگى ءبىلىم بەرۋ جۇيەسىنىڭ جاعدايى ءسوز بولعانىن ايتا كەتكەن ءجون.
شىمكەنت
