اقش-تا باستالعان ناسىلشىلدىككە قارسى شەرۋلەر الەمنىڭ بىرنەشە ەلىندە جالعاسۋدا. بۇگىن مىڭداعان بەلسەندىلەر ەۋروپا مەن امەريكانىڭ ونداعان قالاسىندا نارازىلىق اكتسيالارىنا شىقتى دەپ حابارلايدى «ادىرنا» ۇلتتىق پورتالى bbc.com – عا سىلتەمە جاساپ.
ۇلىبريتانياداعى شەرۋلەر لوندون، مانچەستەر، كارديفف جانە باسقا قالالاردا ءوتتى. لوندوندا دەمونسترانتتار تىزە بۇگىپ: «ادىلدىك جوق، بەيبىتشىلىك جوق!» - دەپ ۇرانداتتى.ۇكىمەت پاندەمياعا بايلانىستى جينالماۋعا نۇسقاۋ بەرگەنىنە قاراماستان ، ادامدار شەرۋگە شىعۋدا.
سوڭعى مالىمەتتەر بويىنشا، نارازىلىق اكتسيالارى كەزىندە 23 پوليتسيا قىزمەتكەرى جاراقات العان.
لوندونداعى دەمونسترانتتار بەتپەردە مەن قولعاپ كيىپ شىقتى. كەيبىرەۋلەر «COVID-19-دان دا قاۋىپتى ۆيرۋس بار جانە ونى ناسىلشىلدىك دەپ اتايدى» دەگەن پلاكاتتار الىپ ءجۇردى.
سولتۇستىك يرلانديا پوليتسياسى كوپتەگەن ادامدارعا ايىپپۇل سالدى، ويتكەنى ادامدارعا جينالۋعا تىيىم سالىنعان .
تاڭەرتەڭ مىڭداعان اۆستراليالىقتار «قارالاردىڭ ءومىرى ماڭىزدى» دەگەن ۇرانمەن ميتينگكە شىقتى. سونىمەن قاتار شاراعا قاتىسۋشىلار اۆستراليالىق ابوريگەندەر قوعامىنداعى تەڭسىزدىكتى دە اتاپ ءوتتى.
ۆاشينگتوندا مىڭداعان ادام ناسىلشىلدىك پەن پوليتسيانىڭ زورلىق-زومبىلىعىنا نارازىلىق ءبىلدىرىپ، تاعى دا كوشەگە شىقتى. دەمونستراتسيالار كاپيتولي توبەسى مەن اق ءۇيدىڭ جانىندا ءوتتى. اقش-تاعى نارازىلىق اكتسيالارى 12 كۇن بويى جالعاسىپ جاتىر.
سەنبىدە كانادانىڭ تورونتو قالاسىندا بىرنەشە مىڭ ادام كوشەگە شىقتى. جەرگىلىكتى پوليتسيا بارلىق دەمونستراتسيالار بەيبىت تۇردە ءوتىپ جاتىر دەپ حابارلادى.
ال فرانتسياداعى نارازىلىق اكتسيالارىنا 20 مىڭنان استام دەمونسترانت قاتىستى. بۇگىن ليلل قالالىق پوليتسياسى نارازىلىق بىلدىرۋشىلەردى تاراتۋ ءۇشىن كوزدەن جاس اعىزاتىن گازدى قولداندى .
الەمدە بولىپ جاتىرعان بۇل نارازىلىق اكتسيالارى اقش-تاعى قارا ءناسىلدى كۇزەتشىنىڭ پوليتسەي قولىنان قازا تابۋىنا بايلانىستى باستالعان بولاتىن.
