الماتى اكىمدىگى ميتينگ وتكىزۋ ءتارتىبىنىڭ بۇزىلعانىن حابارلاپ، ونى زاڭسىز دەپ اتادى.
قوعامدىق دامۋ باسقارماسى قالا اكىمدىگىنە بەيبىت ميتينگىلەر مەن جيىن وتكىزۋ تۋرالى حابارلاما تۇسپەگەنىن، بەيبىت جيىن وتكىزۋگە ارناي ورىنداردا عانا رۇقسات بەرىلەتىنىن ەسكەرتتى.
"ايتا كەتۋ كەرەك، بۇگىن كۇشىنە ەنگەن "قازاقستان رەسپۋبليكاسىندا بەيبىت جيىندار ۇيىمداستىرۋ جانە وتكىزۋ ءتارتىبى تۋرالى" زاڭ بويىنشا، ميتينگ وتكىزۋ ءۇشىن قالا اكىمدىگىنە 5 كۇن بۇرىن حابارلاما جىبەرۋ كەرەك", - دەپ جازادى قالا اكىمىنىڭ ءباسپاسوز قىزمەتى.
زاڭناماعا سايكەس، ميتينگتى ۇيىمداستىرعانى جانە قاتىسقانى ءۇشىن اكىمشىلىك جانە قىلمىستىق جاۋاپكەرشىلىك قاراستىرىلعانى حابارلانعان.
قازىر قالادا بىرنەشە كوشە جابىلىپ، ارنايى ورىندار قورشالىپ تۇر.
ەسكە سالا كەتسەك، كەشە باس پروكۋراتۋرا مەن جانداربەك بەكشين ميتينگكە قاتىستى ۇندەۋ جاريالاعان.
"ادىرنا" ۇلتتىق پورتالى
فوتو: اشىق دەرەككوز
