Almaty ákimdigi mıtıng ótkizý tártibiniń buzylǵanyn habarlap, ony zańsyz dep atady.
Qoǵamdyq damý basqarmasy qala ákimdigine beıbit mıtıngiler men jıyn ótkizý týraly habarlama túspegenin, beıbit jıyn ótkizýge arnaı oryndarda ǵana ruqsat beriletinin eskertti.
"Aıta ketý kerek, búgin kúshine engen "Qazaqstan Respýblıkasynda beıbit jıyndar uıymdastyrý jáne ótkizý tártibi týraly" Zań boıynsha, mıtıng ótkizý úshin qala ákimdigine 5 kún buryn habarlama jiberý kerek", - dep jazady qala ákiminiń baspasóz qyzmeti.
Zańnamaǵa sáıkes, mıtıngti uıymdastyrǵany jáne qatysqany úshin ákimshilik jáne qylmystyq jaýapkershilik qarastyrylǵany habarlanǵan.
Qazir qalada birneshe kóshe jabylyp, arnaıy oryndar qorshalyp tur.
Eske sala ketsek, keshe Bas prokýratýra men Jandarbek Bekshın mıtıngke qatysty úndeý jarııalaǵan.
"Adyrna" ulttyq portaly
Foto: ashyq derekkóz
