ايەلدى ۇرۋعا شاقىرعان عالىم قىزمەتىنەن شەتتەتىلدى

1089

«ايەلدى ۇرۋعا بولادى، دجيحادتى قولدايمىن» دەگەن ەرلان سۇلەيمەن قىزمەتىمەن قوش ايتىستى. ونىڭ Facebook  پاراقشاسىنداعى جازباسىنا قاتىستى ل.گۋميلەۆ اتىنداعى ۇلتتىق ۋنيۆەرسيتەتتە ارنايى تەكسەرۋ جۇمىستارى جۇرگىزىلگەن دەپ حابارلايدى «ادىرنا» ۇلتتىق پورتالى BaigeNews.kz-كە سىلتەمە  جاساپ.

تەكسەرۋ ناتيجەسىندە ۋنيۆەرسيتەت وقىتۋشىسى جانە عالىم دەگەن اتاعى بار ەرلان سۇلەيمەن قىزمەتىنەن بوساتىلعان. «ەرلان سۇلەيمەنگە  قاتىستى جۇرگىزىلگەن تەكسەرۋگە بايلانىستى ۋنيۆەرسيتەت تاراپى تومەندەگى قورىتىندىعا كەلگەنىن حابارلايدى. ادەپ جونىندەگى كوميسسيا ەرلاننىڭ بۇل ارەكەتى جالپى ادامي قۇندىلىقتارعا قايشى كەلەتىنىن انىقتادى. وسى كوميسسيانىڭ شەشىمى نەگىزىندە ۋنيۆەرسيتەت رەكتورى ەرلان سۇلەيمەنمەن اراداعى ەڭبەك كەلىسىمشارتىنىڭ توقتاتىلعانىن مالىمدەدى» دەيدى ۋنيۆەرسيتەتتىڭ ءباسپاسوز قىزمەتى.

پىكىرلەر
رەداكتسيا تاڭداۋى