«Áıeldi urýǵa bolady, djıhadty qoldaımyn» degen Erlan Súleımen qyzmetimen qosh aıtysty. Onyń Facebook paraqshasyndaǵy jazbasyna qatysty L.Gýmılev atyndaǵy ulttyq ýnıversıtette arnaıy tekserý jumystary júrgizilgen dep habarlaıdy «Adyrna» ulttyq portaly BaigeNews.kz-ke silteme jasap.
Tekserý nátıjesinde ýnıversıtet oqytýshysy jáne ǵalym degen ataǵy bar Erlan Súleımen qyzmetinen bosatylǵan. «Erlan Súleımenge qatysty júrgizilgen tekserýge baılanysty ýnıversıtet tarapy tómendegi qorytyndyǵa kelgenin habarlaıdy. Ádep jónindegi komıssııa Erlannyń bul áreketi jalpy adamı qundylyqtarǵa qaıshy keletinin anyqtady. Osy komıssııanyń sheshimi negizinde ýnıversıtet rektory Erlan Súleımenmen aradaǵy eńbek kelisimshartynyń toqtatylǵanyn málimdedi» deıdi ýnıversıtettiń baspasóz qyzmeti.
