«Äieldı ūruǧa bolady, djihadty qoldaimyn» degen Erlan Süleimen qyzmetımen qoş aitysty. Onyŋ Facebook paraqşasyndaǧy jazbasyna qatysty L.Gumilev atyndaǧy ūlttyq universitette arnaiy tekseru jūmystary jürgızılgen dep habarlaidy «Adyrna» ūlttyq portaly BaigeNews.kz-ke sılteme jasap.
Tekseru nätijesınde universitet oqytuşysy jäne ǧalym degen ataǧy bar Erlan Süleimen qyzmetınen bosatylǧan. «Erlan Süleimenge qatysty jürgızılgen tekseruge bailanysty universitet tarapy tömendegı qorytyndyǧa kelgenın habarlaidy. Ädep jönındegı komissiia Erlannyŋ būl äreketı jalpy adami qūndylyqtarǧa qaişy keletının anyqtady. Osy komissiianyŋ şeşımı negızınde universitet rektory Erlan Süleimenmen aradaǧy eŋbek kelısımşartynyŋ toqtatylǧanyn mälımdedı» deidı universitettıŋ baspasöz qyzmetı.
