الماتى وبلىسى 89,3 ملرد. تەڭگەنىڭ ازىق-تۇلىگىن ءوندىردى

819

الماتى وبلىسىنىڭ كاسىپورىندارى بيىلعى جىلدىڭ قاڭتار-ءساۋىر ايلارىندا 89,3 ملرد. تەڭگەنىڭ ازىق-تۇلىگىن ءوندىردى

الماتى وبلىسىندا ونەركاسىپتىڭ وڭدەۋ سەكتورىنىڭ ۇلەسى 86,6% بولىپ، رەسپۋبليكاداعى جوعارى كورسەتكىشكە جەتكەن. سونىڭ ىشىندە ازىق-تۇلىك ءوندىرۋ ۇلەسى 40%-دان اسادى. ماسەلەن، بيىلعى جىلدىڭ قاڭتار-ءساۋىر ايلارى ارالىعىندا وبلىس كاسىپورىندارى 89,3 ملرد. تەڭگە بولاتىن نەمەسە وتكەن جىلدىڭ 114,2%-نا تەڭ كەلەتىن ازىق-تۇلىك ونىمدەرىن ءوندىردى. بۇل تۋرالى «ادىرنا» وبلىس اكىمىنىڭ ءباسپاسوز قىزمەتىنە سىلتەمە جاساپ حابارلايدى.

وبلىستىق كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ مالىمەتىنشە، ءوڭىردىڭ ونەركاسىپتىك الەۋەتىن مىڭنان استام كاسىپورىن قۇراپ وتىر، وندا 70 مىڭنان استام ادام جۇمىس ىستەيدى. 2020 جىلدىڭ 1-ءشى جارتىسىندا «جەتىسۋ سويا»، «AGRITECH»، «سەكۆويا پليۋس»، «Catexpo»، «Alacem»، «فەنيكس فيد ميللس»، «اقتوعاي رەسايكلينگ»، «الماز كەراميكس»، «تكمز» جشس-لارىنىڭ يندۋستريالدى جوبالارى جۇزەگە اسىرىلادى، سونىڭ ارقاسىندا 850 جۇمىس ورنى اشىلادى دەپ كۇتىلۋدە.

جالپى وتكەن جىلى وبلىس ونەركاسىبىندە سۋسىن ءوندىرۋ - 12,7%، جەڭىل ونەركاسىپتە -  29%،  فارماتسەۆتيكادا - 20,1%، دايىن مەتالل بۇيىمدارىندا - 38,9%، ماشينا جاساۋدا 60%-كە ۇلعايتىلعان.

سونىڭ ىشىندە وبلىس ونەركاسىبىنىڭ جالپى كولەمىنىڭ 40%-دان استامىن تاماق ونىمدەرى مەن سۋسىن ءوندىرۋ قۇرايدى. ماسەلەن، وبلىستا جىلىنا شامامەن 1 ملرد. ليتر  سۋسىن شىعارىلادى، ءونىمنىڭ اسسورتيمەنتى ۇنەمى مولايۋدا. بيىلعى جىلدىڭ قاڭتار-ءساۋىر ايلارى ارالىعىندا وبلىس كاسىپورىندارى 89,3 ملرد. تەڭگەنىڭ نەمەسە وتكەن جىلدىڭ 114,2%-نا تەڭ  كەلەتىن ازىق-تۇلىك ونىمدەرىن ءوندىردى.

وبلىس كاسىپورىندارى شىعارعان ونىمدەرىن ىشكى نارىققا ساۋدالاۋمەن قاتار، سىرتقا ەكسپورتتاۋ گەوگرافياسىن دا كەڭەيتىپ كەلەدى. ماسەلەن، جاڭادان اشىلعان ەت وڭدەۋ كاسىپورىننىڭ ءبىرى "يمپەريا فۋد" جشس قىتاي، يران جانە باسقا دا ەلدەر نارىعىنا شىقتى. "ازيااگروفۋد" جشس قىرعىزستانعا جانە وزبەكستانعا ۇن جەتكىزەدى. ال "جاركەنت كراحمال-سىرنە زاۋىتى" جشس ونىمدەرىن قىتايعا، قىرعىزستانعا، وزبەكستانعا، تاجىكستانعا، رەسەيگە، سول سياقتى "حاملە كومپاني لتد" جشس كونديتەرلىك ونىمدەرىن قىرعىزستانعا، رەسەيگە، وزبەكستانعا ەكسپورتتايدى.

 

الماتى وبلىسى

 

پىكىرلەر
رەداكتسيا تاڭداۋى