كاسپي تەڭىزىنىڭ قازاقستاندىق سەكتورىندا ۇستالعان براكونەرلەردەن بەكىرە تۇقىمداس - 3,8 توننا، ۇساق تۇقىمدى 2,5 توننا بالىق، سونداي-اق 43 يتبالىق تاركىلەنگەن. بۇل تۋرالى قازاقپارات قر ۇلتتىق قاۋىپسىزدىك كوميتەتى شەكارا قىزمەتىنە سىلەمە جاساپ حابارلادى.
بيىلعى 31 ناۋرىزدان باستاپ كاسپي تەڭىزىنىڭ قازاقستاندىق سەكتورىندا 98 قۇقىق بۇزۋشى ۇستالعان. ونىڭ ىشىندە 14-ءى – مەملەكەتتىك شەكارا رەجيمىن جانە 71-ءى اۋماقتىق جانە ىشكى سۋ (تەڭىز) رەجيمىن بۇزعاندار. «65 ءجۇزۋ قۇرالى، 42 قوزعالتقىش، 4 كولىك قۇرالى، براكونەرلىك اۋلاۋ اسپاپتارى (236 شاقىرىمنان استام اۋ جانە ىلمەگى بار ارقان، 66 تۇزاق، 55,1 مىڭ ىلگەك جانە باسقالار) تاركىلەندى.
براكونەرلىك زاڭسىز اينالىمنان 763 دانا (3,8 مىڭ كگ) بەكىرە تۇقىمداس، 4947 دانا (2,5 مىڭ كگ) ۇساق تۇقىمدى بالىق، سونداي-اق 43 يتبالىق الىندى. براكونەرلەر كەلتىرگەن زيان 85,6ملن تەڭگەگە باعالانىپ وتىر»، - دەدى قر ۇلتتىق قاۋىپسىزدىك كوميتەتى شەكارا قىزمەتىنەن.
براكونەرلەردەن تاركىلەنگەن 3824 ءتىرى بالىق (ونىڭ ىشىندە 695 بەكىرە تەكتەس) جانە 43 يتبالىق سۋ ايدىنىنا قايتا جىبەرىلدى. 1,88 ملن تەڭگەگە ايىپپۇل سالىندى. «جالپى، 1 ملرد. تەڭگەدەن ارتىق مولشەردەگى ەكولوگيالىق زالالعا جول بەرىلمەدى. ءىس-شارالار جالعاسۋدا»، - دەدى ۆەدومستۆودان.
فوتو: قازاقپارات
