ەڭبەكاقىنى ارتتىرۋ تاپسىرماسى كوڭىلگە دەمەۋ سىيلادى - اۋىلدىق دارىگەر

2450
Adyrna.kz Telegram

پرەزيدەنت قاسىم-جومارت توقاەۆ ۇلتتىق قوعامدىق سەنىم كەڭەسىنىڭ ءۇشىنشى وتىرىسىندا دارىگەرلەردىڭ جالاقىسى ورتاشا دەڭگەيدەگى ەڭبەكاقىدان 2,5 ەسە ارتىق بولۋى كەرەك دەپ ايتقانى كوڭىلگە مەدەۋ سىيلادى، دەدى اقمولا وبلىسى ءبىرجان سال اۋدانىنا قاراستى ماقپال اۋىلىندا 25 جىلعا جۋىق جۇمىس ىستەپ جۇرگەن مەيىربيكە ءاليا حاسەنوۆا. بۇل تۋرالى Strategy2050.kz ءتىلشىسى حابارلادى.

«مەملەكەت باسشىسى كوروناۆيرۋس پاندەمياسى دارىگەرلەردىڭ تاپشىلىعىن كورسەتكەنىن ايتىپ ءوتتى. بۇل ىندەتپەن كۇرەسۋ ەشكىمگە دە وڭايعا تيگەن جوق. اۋىلدا تۇرعىندارىنىڭ دەنساۋلىعىنا مەيىربيكە رەتىندە مەن جاۋاپتىمىن. سوندىقتان دا تۇرعىندارعا اقپاراتتىق ءتۇسىندىرۋ جۇمىستارىن جۇرگىزىپ، كارانتيندەگى ادامداردىڭ جاعدايىن جاساۋمەن اينالىستىم. اق حالاتتى ابزال جانداردىڭ ەڭبەگى ەلەنگەنى قۋانتادى»، - دەدى ءا.حاسەنوۆا.سونداي-اق، ونىڭ ايتۋىنشا، قالا مەن اۋىل اراسىنداعى مەديتسينالىق قىزمەت كورسەتۋ ايىرماشىلىعى تەك ينفراقۇرىلىممەن عانا شەكتەلمەيدى. «پرەزيدەنت تە بۇل ماسەلە تۋرالى ايتتى. اۋىلدا ينفراقۇرىلىم جوق. قالا اۋرۋحانالارىنداعىداي زاماناۋي تەحنولوگيالىق قوندىرعىلار دا جوقتىڭ قاسى. وسى ماسەلەنىڭ باسى اشىلىپ، مەملەكەت باسشىسىنىڭ اۋىلدىق دەنساۋلىق ساقتاۋدىڭ ءتيىمدى مودەلىن قۇرۋ تاپسىرماسى كوڭىلدى كونشىتىپ وتىر. بۇل اۋىلداعى دەنساۋلىق ساقتاۋ سالاسىن دامىتۋعا ۇلكەن ۇلەس قوسادى دەپ ۇمىتتەنەمىن»، - دەدى ول.

 

 

پىكىرلەر